Kʼaay 62
¿Tiʼ máax a kʼubmaj a wóol?
1. ¿Tiʼ máax a kʼubma wóol?
¿Máax diosil le yaantechoʼ?
Le bix ken a nuʼukt a kuxtaloʼ
ku chíikbesik jach máax a dios.
Tiʼ kaʼatúul diosoʼobeʼ
maʼ tu páajtal a kʼubik
le yaabilaj yaan ta puksiʼikʼaloʼ
mix le kuxtal yaantechoʼ.
2. ¿Tiʼ máax a kʼubma wóol?
¿Máax diosil le yaantechoʼ?
A Dioseʼ Jéeoba wa yaanal dios.
Yéey máax tiʼ ken a kʼub a wóol.
Tiaʼal Dios wa kuxtaloʼ
wa tiaʼal kʼeban wíinikoʼob.
¿Yaan wa meyajtik yéetel chúukaʼan óol
le Dios u yaabiltmechoʼ?
3. ¿Tiʼ máax in kʼubmin wóol?
Tiʼ Jéeoba in Yuumtsiloʼ.
Yaan in beetik le baʼax yaʼalmajoʼ,
tuláakal jeʼex tin waʼaliltiʼoʼ.
In kʼáat in meyajte
tumen koʼoj tu manilen.
Yoʼolal u kuxtal Jesús tu kʼubeʼ
chéen Dios ken in meyajte.
(Ilaʼak xan Jos. 24:15; Sal. 116:14, 18; 2 Tim. 2:19.)