1. Guð sýnir mönnunum sanna gestrisni

og sína umhyggju, enga hlutdrægni.

Hann gefur regn og sól og gnægtir líf og skjól

og glæðir hjörtun fögnuði hér.

Er lítilláta velvild við látum fá

við líkjum eftir Jehóva Guði þá.

En óháð stund og stað Guð endurgeldur það

ef einlæg okkar gestrisni er.

2. Ei vitum fyrir víst hvað gott af því hlýst

er veitum þurfandi það er best fær nýst.

Við látum okkar ást á ókunnugum sjást

af alúð réttum þeim hjálpar hönd.

Sem forðum Lýdía gestum fögnum við,

þeir finna okkur hjá bæði hvíld og frið.

Og faðir okkar veit um fríða votta sveit

sem fylgir dæmi hans um öll lönd.