Nyimbo 133
Bwerani kwa Mulungu Kuti Mupulumuke
(Zefaniya 2:3)
1. Mitundu ya anthu
Ikutsutsadi Yesu.
Nthawi yawo yolamula
Yatha watero M’lungu.
Ufumu wayamba
Ndipo wakhazikika.
Adani onse apadziko
Khristu adzawaphwanya.
(KOLASI)
Bweranitu kwa Yehova
Kuti mudzapulumuke.
Mumudalire,
M’khulupirike,
Khalani kumbali yake.
Adzakupulumutsani
Ndi mphamvu zake.
2. Sankhani tsopano
Anthunu apadziko
Kumvera kaya kukana
Uthengawu wabwino.
Ngakhale mavuto
Tingakumane nawo
Yehova amasamalira
Tikapempha thandizo.
(KOLASI)
Bweranitu kwa Yehova
Kuti mudzapulumuke.
Mumudalire,
M’khulupirike,
Khalani kumbali yake.
Adzakupulumutsani
Ndi mphamvu zake.
(Onaninso 1 Sam. 2:9; Sal. 2:2, 3, 9; Miy. 2:8; Mat. 6:33.)
