1. Lifasi li keluhile mwa nzila;

Mulimu ha li mu zibi.

Lu tokwa zamaiso ye sepeha,

Kuli za luna li konde.

Mikopano yona ya katulusa;

Ya lu tiisa tumelo.

I lu susueza ku eza ze nde,

Ni ku eza zwelopili.

Ha lu na ku tuhela ku kopana;

Lu ka eza tato ya Jah.

Mi kwa mikopano lu lutwa niti,

Mi lu lutwa ze lukile.

 2. Jehova wa zibanga ze lu tokwa;

U lu fanga likelezo.

Lu sebelise hande nako kuli

Lu kopanange kamita.

Lu lutwa ki ba ba saba Mulimu,

Kuli lu tiye mwa niti.

Lu na ni bahabo luna mwa niti;

Lu eza sango ni bona.

Mi cwale lu talimezi kwapili;

Ku ka ba ni linto ze nde.

Mikopano i lu luta butali

Bo bu zwa kwa lihalimu.