Kal idhi e weche manie iye

Kal idhi kama ochanie weche mantie

Wer 119

Biuru! Uyud Yueyo

Biuru! Uyud Yueyo

(Jo-Hibrania 10:24, 25)

1. Wadak e piny monjawore, ma olal;

Ji ok ong’eyo Nyasaye.

Wadwaro yore matir ma tayowa,

Nikech ok dwachung’ wawegi.

Chokruogewa miyowa hoch gi geno;

Gikonyowa bedo gi yie.

Gikonyowa jiwo timbe mabeyo,

Gimiwa teko dhi nyime.

Ok wabi weyo mako chik Jehova;

Wadwaro timo dwarone.

Chokruoge puonjowa yore makare;

Gimiwa hero adiera.

2. Jehova ong’eyo gik ma wachando;

Onego wamak chikene.

Ka wamanyo thuolo mar dhi e chokruok

Nyiso ni wageno Wachne.

Puonj mowuok kuom chwo moluoro Nyasaye,

Miyo wang’eyo nyiso yie.

Kokalo kuom owete moherowa,

Wang’eyo ni ok wan kendwa.

Omiyo ka wageno kinde maber,

Wachokre gi jowetewa.

E chokruoge wapuonjre kaka wadak

Ka wan gi rieko Nyasaye.