1. Illum ngħixu f’dinja xejn stabbli w fid-dlam;

It-triq t’Alla n-nies ma jafux.

Biex ngħassu kif nimxu taʼ gwida hemm bżonn;

Waħedna żgur ma nirnexxux.

Tamitna jsaħħulna w serħ jagħtu l-laqgħat;

Jgħinuna biex f’Alla nafdaw.

Nitqanqlu hemmhekk għall-għemejjel tajbin;

Nissaħħu w mit-triq ma naqtgħux.

Il-kmand taʼ Ġeħova minn qalbna nobduh;

Dan qatt ma se nabbandunawh.

Jgħallmuna l-laqgħat kemm is-sew fih valur;

B’hekk il-verità napprezzaw.

2. Ġeħova tant kbir, jaf eżatt x’għandna bżonn;

Dak li jgħid hu għandna nobduh.

Jekk ħinna nużawh bl-aħjar mod għal-laqgħat

Li b’għerf nafdaw f’Kelmtu nuruh.

Irġiel b’biżaʼ t’Alla jibnuna b’tagħlim

Dwar kif nuru fidi f’kull att.

Bl-appoġġ kbir taʼ ħutna fil-fidi w għeżież

Waħedna żgur ma nkunu qatt.

Hekk kif ħerqanin nistennew żmien aħjar,

Niltaqgħu ma’ dawk maħbubin.

Jgħinuna l-laqgħat ngħixu bl-għerf ġej minn fuq;

Hawnhekk dan qed niġu mgħallmin.