1. Kuxaʼanoʼon ich máaxoʼob ku beetkoʼob baʼax kʼaas

yéetel náachchajaʼanoʼob tiʼ Dios.

Le oʼolal kʼaʼabéettoʼon u yáantaj Jéeoba

utiaʼal k-bin teʼ maʼalob bejoʼ.

Le muchʼtáambaloʼoboʼ jach ku líiʼsik k-óol

yéetel ku tsʼáaiktoʼon jeetsʼel óol.

Ku yáantkoʼon tiaʼal u muʼukʼaʼantal k-fe tiʼ Dios

kex táan k-máansik yaʼab talmiloʼob.

Toʼoneʼ mantatsʼ ken k-beet baʼax kiaʼalik Jéeoba

tiaʼal k-beetik u kiʼimaktal yóol.

Le muchʼtáambaloʼoboʼ ku yáantkoʼon utiaʼal

maʼ k-jóokʼol tiʼe bej k-bisikoʼ.

 2. Le baʼax kiúuchultoʼonoʼ yojel Jéeoba Dios,

le oʼolal ku yáantkoʼon mantatsʼ.

Kʼaʼabéet k-jóoʼsik tiempo utiaʼal k-muchʼikba,

beyoʼ k-eʼesik naʼat ich k-kuxtal.

Le máaxoʼob kanáantik le múuchʼuliloʼ

ku yáantkoʼonoʼob k-yaabilt Jéeoba.

Ken k-máans talmiloʼobeʼ ku líiʼskoʼob xan k-óol,

ku yeʼeskoʼob nojoch yaabilaj.

Le táan k-páaʼtik u kʼiinil le xuʼulsajoʼ

toʼoneʼ jach kʼaʼabéet k-muchʼikba.

Teʼ muchʼtáambaloʼobaʼ toʼoneʼ yaan k-kanik

tuláakal baʼax kiaʼalik Jéeoba.