Bia 60
Fade lo mû ngangu na mo
1. Teti nyen Jah aga na tâ tënë na mo,
na lo iri mo na yâ ti lumière?
A yeke so, lani, lo bâ so tâ mo ye
ti gi lo na ti sara nzoni ye.
Mo mû yanga ti sara gi na lo.
Ni la lo ngbâ ti kpengba mo lakue.
(LI TI BIA)
So lo vo mo na mênë ti Christ, mo ga ti lo.
Lo yeke kpengba mo, lo mû ngangu na mo.
Ande lo fa lege na mo na lo bata mo.
Lo yeke kpengba mo, lo mû ngangu na mo.
2. Nzapa amû Jésus ti kui ndali ti mo
teti biani lo ye nzoni ti mo.
Lo sara ni biani na bê ti lo wani,
ni la lo yeke mû na mo ngangu.
Lo dabe na ndoye, mabe ti mo;
lo yeke bata azo ti lo kue.
(LI TI BIA)
So lo vo mo na mênë ti Christ, mo ga ti lo.
Lo yeke kpengba mo, lo mû ngangu na mo.
Ande lo fa lege na mo na lo bata mo.
Lo yeke kpengba mo, lo mû ngangu na mo.
(Bâ nga aRom. 8:32; 14:8, 9; aHéb. 6:10; 1 Pi. 2:9.)
