သီချင်း ၁၃၄
သင့်ကိုယ်ကို ကမ္ဘာသစ်တွင် မြင်ယောင်ကြည့်ပါ
၁။ စိတ်ကူးကြည့်ပါ၊ သင်နှင့်ကျွန်ုပ်၊
တို့အားလုံး ရောက်နေ၊ မြေကြီးသစ်ပေါ်မှာ။
မြင်ယောင်ကြည့်ပါ၊ တွေးသိခံစား၊
ငြိမ်သက်ခြင်း၊ လွတ်လပ်ခြင်းအမှန် ရှိမှာ။
မကောင်းမှုများ မရှိတော့ပါ၊
ဘုရားအုပ်စိုးမှု တည်မြဲသွားမှာ။
ရောက်ရှိလာ မြေကြီးသစ် အစပြုသောခါ၊
တို့စိတ်နှလုံးမှ ချီးမွမ်းသီချင်းပွင့်အံလာ–
(ထပ်ကျော့ပိုဒ်)
“ယေဟောဝါ၊ အမှုတော်များကောင်းမြတ်လှ။
ချစ်သားအားဖြင့် အရာရာ အသစ်ဖြစ်လာ။
ကျွန်ုပ်တို့နှလုံးမှ လျှံထွက်တေးကျူးသံများ။
ချီးမွမ်းခြင်း၊ ဂုဏ်တော်၊ ဘုန်းတော်အားလုံး ကိုယ်တော်ပိုင်။”
၂။ မျှော်တွေးကြည့်ပါ၊ သင်နှင့်ကျွန်ုပ်
ကမ္ဘာသစ်တစ်ခုထဲမှာ ရောက်ရှိနေသလို။
ရင်တုန်ထိတ်လန့် စိုးရွံ့ဖွယ်များ
မြင်နေရ ကြားရတော့မည် မဟုတ်ပါ။
မိန့်ထားသလို အမှန်ပြည့်စုံလာ၊
လူသားတွေပေါ် ကိုယ်တော့်တဲလွှမ်းခြုံ။
သေသူတွေကို ကိုယ်တော်ရှင် ထမြောက်ပေးမှာ၊
သူတို့နှင့် တို့များ ကျေးဇူးတော် ချီးမွမ်းနေမှာ–
(ထပ်ကျော့ပိုဒ်)
“ယေဟောဝါ၊ အမှုတော်များကောင်းမြတ်လှ။
ချစ်သားအားဖြင့် အရာရာ အသစ်ဖြစ်လာ။
ကျွန်ုပ်တို့နှလုံးမှ လျှံထွက်တေးကျူးသံများ။
ချီးမွမ်းခြင်း၊ ဂုဏ်တော်၊ ဘုန်းတော်အားလုံး ကိုယ်တော်ပိုင်။”
(ဆာ. ၃၇:၁၀၊ ၁၁; ဟေရှာ. ၆၅:၁၇; ယော. ၅:၂၈; ၂ ပေ. ၃:၁၃ တို့ကိုလည်းကြည့်ပါ။)