Kanta 134
Isip Mon Wadman Ka Sano Balo Lan Amin
1. Isip mo pan amin tayo
So manaayam la’d balon mundo.
Nonot mo pay kipapasen;
Pambilay ed tuan inkareen.
Karelmengan naandi la;
Uley na Dios tuan matalona.
Balon kipapasey dalin onggapo,
Kantay panangidayew onleppua’d puso:
(KORO)
“Jehova’n Dios mi, alay abig mo!
Amin balo diad uley nen Kristo.
Saray kapusoan mi, manleppua ed kanta;
Kien mo so amin a galang, dayew, gloria.”
2. Tan natan et isip mo pa,
Balon mundo wadia la a siansia.
Anggapo lay pansengegan
Na kebbiew o pakasesgaan.
Tinmuay ami’ salita to;
Manuuley la ed totoo.
Saray inatey et paolien to la;
Tan diad pisasalamat et mibiang ira:
(KORO)
“Jehova’n Dios mi, alay abig mo!
Amin balo diad uley nen Kristo.
Saray kapusoan mi, manleppua ed kanta;
Kien mo so amin a galang, dayew, gloria.”
(Nengnengen met so Sal. 37:10, 11; Isa. 65:17; Juan 5:28; 2 Ped. 3:13.)
