Kʼaay 134
Tukult tiaʼanech teʼ túumben luʼumoʼ
1. Kin wilkechiʼ, ka wilkeniʼ;
táan k-ilikba tiʼ junpʼéel túumben luʼum.
Chéen tukulte, bukaʼaj jaʼtsil
u kuxtal máak ichil jeetsʼelil.
Mix máak kʼasaʼan kun antaliʼ;
u Reino Dios kun láaj béeykunsik.
Teʼ kʼiinaʼ tuláakal baʼax kun túumbental,
k-kʼáat kiʼikiʼtʼantech yéetel junpʼéel jatsʼuts kʼaay:
(CORO)
«Jéeoba, naʼan uláakʼ máax uts jeʼex techeʼ,
tuláakal túumben tu yoʼolal a Paal.
Jach yéetel chúukaʼan óol, toʼoneʼ k-kiʼikiʼtʼantkech,
ka náajmatik k-nojbeʼenkúunskech mantatsʼ, Jéeoba».
2. Kin wilkechiʼ, ka wilkeniʼ;
táan in wilik junpʼéel luʼum jach jatsʼuts.
Maʼ kun antal kʼasaʼaniliʼ;
mix baʼal kun beetik k-chʼaʼik sajkiliʼ.
Baʼax yaʼalmajeʼ tsʼu béeykunsik;
yaan yantal Dios yéetel wíinikiʼ.
Máaxoʼob kimenoʼobeʼ yaan u líiʼsaʼal xan;
junmúuchʼ yéeteloʼobeʼ yaan k-kʼaayeʼex tiʼ Jéeoba:
(CORO)
«Jéeoba, naʼan uláakʼ máax uts jeʼex techeʼ,
tuláakal túumben tu yoʼolal a Paal.
Jach yéetel chúukaʼan óol, toʼoneʼ k-kiʼikiʼtʼantkech,
ka náajmatik k-nojbeʼenkúunskech mantatsʼ, Jéeoba».
(Ilaʼak xan Sal. 37:10, 11; Isa. 65:17; Juan 5:28; 2 Ped. 3:13.)