¿Chumngelu duamfali ñi ngüneduamngeal ta Biblia?
¿Eymi papeltufimi tüfachi falin lifru? Feyta Biblia tati, kiñen-ngechi lifru müten wall Mapu püle puwlu. Fentren tripantu rupalu, fentren che kake wimtun nielu engün, pekeyngün yafüluwün ka maneluwün tañi werkün dungu mu, ka kümelkaeyew tachi kümeke ngülam. Welu fentren che petu papeltulafi, ka müley kiñeke che —feyentulelu (müngeltulelu) ka feyentukenolu Ngünechen mu— ayüafuyngün tañi doy kimafiel. Femngechi rakiduamülmi, tüfachi papil kelluaeymu tami kimal kiñeke dungu mülelu Biblia mu.
PETU tami papeltunofiel ta Biblia, kümeafuy tami kimal ñi chumngen tüfachi lifru. Biblia Ngünechen ñi Küme Dungu (Santas Escrituras) ka pingekey. Trawülngey 66 lifru, wünelu mu Génesis, ka puwi Apokalipsi mu.
¿Iney am dewmay ta Biblia? Tüfa ta küme kiñe ramtun. Kiñe warangka kayu pataka rupachi tripantu mu, meli mari wentru peno wirintukuyngün tati Biblia. Welu, ayüfali kimngeal iney no rume wirintukuy kiduke ñi rakiduam. Ka, kiñe feypi: ‘Kom tati wirikonkülechi dungu ti Wirin Chillka mew, wiringey Ngünechen ñi piel mew’ (2 Timotew 3:16). Kangelu ka feypi: “Jewba ñi lif püllü dunguy iñche mew, ka kidu ñi dungu mülekefuy iñche tañi kewün mew” (2 Samuel 23:2). Chumngechi pekeyiñ, feyti pu wirintukulu lifru Biblia mew, feypingün Chaw Ngünechen Jewba, feyti Ngünenielu kom Mapu ka kom pu che, fey ñi Dungungen. Feymu, Ngünechen elukeeiñmu tüfachi Biblia taiñ küme kimafiel.
Ka duamfali tañi rüf kimal chem falin-ngechi dungu, nielu ta Biblia: Ngünechen küme elkünuay ñi Ngünenien wenu mapu mew, tañi kimngeal ka tañi yamngeal, kidu müten ngünenieay itrokom che. Ka chillkatumekelmi peaymi tüfachi küme dungu mülelu kom Biblia mew, tuwlu Génesis mu ka puwi Apokalipsi mew.
Mangeluwayiñ tami rakiduamal tüfachi dungu, petu ngüneduamekefilmi tüfachi werkün dungu mülelu Biblia mu, tüfachi falin lifru trürfal-lay chem lifru wirintukungen mu.
a Ka müley, chumngechi ñi pengelal ti tripantu dungu. Tüfachi papil mew, feypikeiñ petu ñi mülenon Jesu (p.m.j.), ka femngechi, feypikeiñ tüfachi mülen antü mu (t.m.a.). Ka amulechi dungu, tüfachi nütram pichi feypikünuy mülelu adentun mu, fey müleay nagaltu mu.
Eimi ca ayüafuimi
IÑCHIÑ TAIÑ DUNGU
¿Chumngelu am mülei tami chillcatual ta Biblia?
Biblia quelluquefi pu che ñi quimal falinque ramtun mongen mu, ¿ayüafuimi tami quimafiel?
