બાઇબલ સમજવા માટે પહેલાં એ જોઈએ કે એને કઈ રીતે ગોઠવવામાં આવ્યું છે. એ ૬૬ પુસ્તકોનું બનેલું છે. પહેલું પુસ્તક ઉત્પત્તિ. છેલ્લું પુસ્તક પ્રકટીકરણ. બાઇબલને “પવિત્ર શાસ્ત્ર” પણ કહેવાય છે.

બાઇબલ કોણે લખ્યું? બાઇબલ ‘ઈશ્વરની પ્રેરણાથી’ લખાયું છે. (૨ તિમોથી ૩:૧૬) આખું બાઇબલ લગભગ ૧,૬૦૦ વર્ષના ગાળામાં લખાયું હતું. ઈશ્વરે પોતાના વિચારો ૪૦ ભક્તો દ્વારા એમાં લખાવી લીધા. એમાંથી એક ભક્તે લખ્યું: ‘યહોવા મારી મારફતે બોલ્યા અને તેમનું વચન મારી જીભ પર હતું.’ (૨ શમુએલ ૨૩:૨) આમ, વિશ્વના માલિક યહોવા પાસેથી બાઇબલ આવ્યું છે. યહોવા ચાહે છે કે બધા લોકો બાઇબલમાંથી તેમના વિષે શીખે. તેમને સારી રીતે ઓળખે અને દિલથી તેમની ભક્તિ કરે.

બાઇબલ સમજવા એક મહત્ત્વની વાત પણ ધ્યાનમાં રાખવાની જરૂર છે. આખું બાઇબલ એક મુખ્ય વિષય પર વાત કરે છે: ‘ઈશ્વર યહોવાના રાજમાં જ સર્વનું ભલું છે. ઈશ્વર પોતાના રાજ્યથી એ સાબિત કરશે.’ બાઇબલમાં શરૂઆતથી અંત સુધી કઈ રીતે આ વિષયની વાત થાય છે એ આ ચોપડી ટૂંકમાં જણાવે છે.

તો ચાલો જોઈએ કે દુનિયામાં જાણીતા આ ધર્મગ્રંથનો સંદેશો શું છે.