Ayɣer i glaq a nessenqed Adlis Iqedsen?

SEL S

Tessneḍ akken ilaq Adlis Iqedsen? Si zik, ulac adlis yewwḍen mkul amkan am neţţa. Lexbaṛ yellan deg-s yewwi-d aṣebber d usirem i yemdanen n mkul ccetla. Imdanen-agi sfaydin s lewṣayat-is di temεict-nsen. Γas akken, ass-a aṭas ur nessin ara mliḥ adlis-agi ixulfen akk wiyaḍ. Ama teţţakeḍ azal i leḥwayeǧ n ddin ama ur sent-teţţakeḍ ara, tebɣiḍ ahat a t-tissineḍ akteṛ. Tareẓẓit-a i teṭṭfeḍ ger ifassen-ik teḥka-yaɣ-d s kra n imeslayen ayen yuran deg Wedlis Iqedsen si tazwara armi ţ-ţaggara.

UQBEL aţ-ţebduḍ leqraya n Wedlis Iqedsen, yeţţusemman diɣen Tira Iqedsen, llant kra n leḥwayeǧ i glaq aţ-ţeẓreḍ. Adlis-agi ijemmel-ed 66 n tektabin. Tamezwarut qqaren-as Laṣel n ddunit ma ţ-ţaneggarut Aweḥḥi.

S wuɣur i d-yekka Wedlis Iqedsen? D asteqsi igerrzen. D ṣṣeḥ, waḥed akka 40 n yergazen i t-yuran deg wazal n 1 600 iseggasen. Lameεna, irgazen-agi ur d-nnin ara sɣur-sen i d-yekka. Daεneţţa, yiwen gar-asen yenna-d: “Yal tira iqedsen s ɣuṛ Ṛebbi i d-tekka.” (2 Timuti 3:16) Ma d wayeḍ yura: “D ṛṛuḥ n Yahwa i d-ihedṛen seg-i, awal-is ɣef yiles-iw.” (2 Camwil 23:2) Ihi, wid yuran Adlis Iqedsen sseknen-d belli sɣur Yahwa Ṛebbi, Aneḥkam n txelqit, i d-yekka. Beggnen-d daɣen belli Ṛebbi yebɣa ad yeqreb ɣer yemdanen.

Iwakken a nefhem Tira Iqedsen, yelzem diɣen a nissin aselmed-agi-nsent i gellan ţ-ţigejdit: Ṛebbi ad isbedd yiwet Tgelda (lḥukuma) deg igenni is ara d-ibeggen belli yeţţalas ad yeḥkem ɣef yemdanen. Di treẓẓit-a, aţ-ţwaliḍ belli aselmed-agi yemsetbaε si Laṣel n ddunit ar Uweḥḥi.

Teţwaεerḍeḍ tura aţ-ţessenqdeḍ lexbaṛ yellan deg wedlis-agi i geţwassnen akteṛ n wiyaḍ, mebla ma teţţuḍ ayen iɣef i d-nehdeṛ.

^ § 9 Di treẓẓit-a, a nessexdem lḥuṛuf “qb.Σ.” Lmeεna-nsen: Uqbel Σisa. Aṭas n lɣaci i ten-issexdamen akken a d-hedṛen ɣef wayen yeḍran uqbel aseggas amezwaru n lweqt-nneɣ axaṭer ɣur-sen Σisa ilul-ed deg useggas-nni. Lameεna di tin n ṣṣeḥ, Σisa ilul-ed di leǧwahi n useggas wis sin uqbel lweqt-nneɣ. A nessexdem daɣen lḥuṛuf “bε.Σ.” Lmeεna-nsen: Mbeεd Σisa. Aţ-ţafeḍ lḥuṛuf-agi deg ujerriḍ yellan ukessar n mkul tawerqeţ iɣef uran lewqat.

Tzemreḍ aţ-ţwaliḍ daɣen…

MENHU-YAƔ?

Acuɣer i glaq a nɣer Adlis Iqedsen?

Adlis Iqedsen yeţţak-ed leǧwab ɣef yesteqsiyen imeqranen yeɛnan tudert i imelyan n lɛibad di ddunit. I kečč tebɣiḍ aţ-ţeẓreḍ d acu-t leǧwab-agi?

ADLIS IQEDSEN—LEXBAṚ YELLAN DEG-S