NAWˬ Liꞈ hpu htaꞈ tanˬ gʼaw ve teˇ yanˇ, Liꞈ hpu hkʼaw gu taˍ ve awˬ hkʼaˇ htaꞈ shiˍ ve kʼo, awˬ bon gʼa ve yoˬ. Awˬ hkuiˉ puiˍ ve liꞈ te leh Hpeuꞈ maˍ ve liꞈ hkʼa gaˬ 66 kʼoˆ cawˬ ve yoˬ.

Liꞈ hpu a shu ve dawˇ hkʼaˇ hpehꞈ ve le. Awˬ tehˬ kʼo, Liꞈ hpu lehˬ awˬ yanˇ 1,600 hkʼawꞈ aꞈ kehˉ maˇ ve awˬ hkʼaw lo chaw yaˇ aˬ laˬ hkʼe 40 gʼaˇ bvuhꞈ taˍ ve yoˬ. Bvuhꞈ shehˍ hpaˇ teˇ gʼaˇ kaꞈ yawˇ hui ve dawˇ hkʼaˇ yoˬ tehꞈ maˇ kʼoˆ, teˇ gʼaˇ chi hkʼe kʼoˆ ve, “Liꞈ hpu hkʼa peu˗eˬ lehˬ, Gʼuiˬ sha ve Awˬ ha hpu dawˇ pawnˍ piˇ ve htaꞈ pa taw cawˬ la ve yoˬ.” (2 Tiˆmoˉseˍ 3:16) Bvuhꞈ shehˍ hpaˇ teˇ gʼaˇ kʼawꞈ bvuhꞈ ve, “Gʼuiˬ sha ve Awˬ ha hpu lehˬ, ngaˬ awˬ hkʼaw lo chehˇ leh tawˇ yaw chehˇ ve yoˬ. Yawˇ ve tawˇ hkawˇ ngaˬ ve meuˇ guiˬ hkʼoˆ lo cawˬ taˍ ve yoˬ.” (2 Saˍmo˗eˍlaˆ 23:2) Yoˬ, Liꞈ hpu lehˬ mvuhˇ naw ma miˬ naˆ ma htaꞈ Uiˍ jaˇ mvuh jaˇ ve Uˉ peunˍ shehˍ hpaˇ Yaˬhoˉvaˬ Gʼuiˬ sha ve dawˇ hkʼaˇ hpehꞈ ve yoˬ. Gʼuiˬ sha chaw yaˇ geh awˬ chawˇ meuˆ daꞈ gaˇ ve yoˬ tehꞈ, yawˇ hui hpeuꞈ maw laˇ ve yoˬ.

Liꞈ hpu na gʼa tuˬ, Liꞈ hpu hkʼaw awˬ lawn lonˉ teˇ lawn tiˉ cawˬ ve yoˬ tehꞈ gʼa shiˍ ve yoˬ. Oˇ ve lehˬ, Gʼuiˬ sha ve mvuhˇ miˬ uˉ peunˍ ve awˬ hkʼaˇ ceh tiˉ hteˇ cawˇ ve yoˬ. Awˬ hkuiˉ puiˍ liꞈ te leh Hpeuꞈ maˍ ve liꞈ hkʼa gaˬ awˬ lawn lonˉ chi ve htaꞈ mawˬ tuˬ ve yoˬ.

Kʼoˆ laˬ peuˬ ve awˬ lawn chi ve htaꞈ hkʼaˬ htaˆ kaꞈ dawˇ nawˇ leh miˬ guiˬ hkʼoˆ lo awˬ meh bvuhˬ jaˇ ve Liꞈ hpu htaꞈ chi beuꞈ a ciˉ chaˬ nyi sheˍ.