কিরগীদমক বাইবল মু থ জনগেদরবেনা?
অদোম বাইবলগী মরমদা খংবিব্রা? মসিগী তোপ তোপ্পা লাইরিক অসি ইতিহাস্তা খৱাইদগী পাক শন্না য়েন্থোক্লবা লাইরিক্নি। মসিদা য়াওরিবা পাউজেল অসিনা মীপুম খুদিংমক্তা আশা পী অমদি পুক্নিং থেমজিন্নিংঙাই ওই। মসিদা নত্তনা মসিদা য়াওরিবা পাউতাকশিং অসিনা নুংতিগী পুন্সিদা কান্নবা পী। অদুম ওইনমক ঙসি অয়াম্বনা বাইবল মুন্না খংদে। অদোম ধর্ম্মগী মরমদা থৱায় য়াওরবসু য়াওদ্রবসু বাইবলগী মরমদা খঙনিংবদি লৈরমগনি। লাইরিক মচা অসি অদোম্না বাইবলদা করি য়াওবগে হায়বদু খংননবা শেম্বনি।
অদোম্না বাইবল পাবা হৌদ্রিঙৈদা লাইরিক অসি মতৌ করম্না ইখিবগে হায়বদু খংজিন্বদা কান্নগনি। অশেংবা শাস্ত্র হায়নসু খংনবা অসি মৈহৌরোন্না হৌরগা ফোংদোকপিবনা লোইশিন্বা পুন্না লাইরিক ৬৬না শাবনি।
বাইবলগী লেখক কনানো? মদু খংনিংবা ৱাহংনি। অশেংবমক্তি শাস্ত্রশিং অসি মীওই ৪০ মুক্না চহি ১৬০০রোম চংনা ইখিবনি। শিংথানিংঙাই ওইরিবদি অদুগুম্বা মীওইশিংদুনা বাইবলগী লেখকশিংনি হায়জরমদে। অইবশিংদুদগী অমনা অসুম্না ইরম্মী: “শাস্ত্র খুদিং ঈশ্বরগী স্বরদগী ওইবনি।” (২ তীমোথি ৩:১৬) অইবশিংদুদগী অতোপ্পা অমনসু অসুম্না হায়রম্মী: “যেহোবাগী থৱায়না ঐবু শিজিন্নদুনা ৱা ঙাঙখি, মহাক্কী ৱা অদু ঐগী লৈতোন্দা লৈরম্মী।” (২ সমূয়েল ২৩:২) মতৌ অসুম্না অইবশিংদুনা লেংলি পাল্লিবা পুম্নমক্কী মপু ওইরিবা ঈশ্বর যেহোবানা বাইবলগী লেখকনি হায়জরম্মী। ঈশ্বরনা মীওইবশিংগা নকশিন্ননিংই হায়দুনা অইবশিংদুনা ফোংদোক্লম্মী।
বাইবল খংবদা তঙাইফদনা চংবা খরা লৈ। শাস্ত্রশিংসিগী পুল্লপকী ওইবা মরু ওইবা হিরম অমখক লৈ। মদুদি স্বর্গগী নিংথৌ লৈবাক্না মীওইবশিংগী মথক্তা শাসন তৌননবগী অধিকারদু ঈশ্বরদা লৈ হায়বা খংহন্বা অদুনি। মখা তারকপা চেনাশিংদা মসিগী মরু ওইবা হীরমসি মতৌ করম্না অমত্তা ওইবা লংলা অমগুম্না মৈহৌরোন্দগীনা ফোংদোকপিবা লাইরিক ফাওবদা চেন্বগে হায়বদু থেংনবিগনি।
মমাংদা পনখিবশিংদু ৱাখলদা থম্বিরগা পৃথিবীদা মীয়াম্না খৱাইদগী খংনরবা লাইরিক, বাইবলসিদা য়াওরিবা পাউজেল অসি খন্নবিয়ু।