¿Kenke moneki timomachtisej Biblia?
Ipan nochi tonali katli panotok, san Biblia tlauel momoyajtok. ¿Tijpojtok ni tlauel kuali amochtli? Miakej katli kampa ueli euanij kinpaleuijtok ipan ininnemilis tlen tetlajtolmaka Biblia, kinyolchikajtok uan kichijtok ma motemachikaj ipan itlajtol. Nama, miakej amo kipojtokej, uan sekij —tlaj tlaneltokaj o amo— kinpaktiskia kuali kiixmatisej. Ni pilamochtsi mitspaleuis tijpeualtis tikixmatis Biblia.
TLAJ tijneki tijpouas Biblia, achtoui kualtiaskia tikixmatis se ome tlamantli tlen ni amochtli. Biblia, katli nojkia kiixmatij kej iTlajtol o iKamanal toTeko, kipia 66 pilamochtsitsij. Peua ika Génesis uan tlami ika Apocalipsis o Revelación.
¿Ajkia itlalnamikilis ijkuilijtok ipan Biblia? Nopa tlauel moneki tijmatisej. Kiijkuilojkej se 40 tlakamej uan uejkajkej se 1,600 xiuitl. Maske inijuantij kiijkuilojkej, amo aka kiijtok tlaj kiski san ipan inintlalnamikilis. Yeka, se kiijtok: “ToTeko temakak nochi nopa tlatsejtseloltik tlajkuiloli” (2 Timoteo 3:16). Uan seyok kiijtok: “Itonal toTeko kitekiuia nokamak para ma nikijtos itlajtol. ToTeko kichijki para itlajtol ma kisa nokamako” (2 Samuel 23:2). Katli kiijkuilojkej Biblia kiijtojkej toTeotsij Jehová, tlen kinauatia nochi Tlaltipaktli, yaya iTlalnamikilis tlen Ijkuilijtok. Nojkia kinextijkej toTeotsij kineki ma kiixmatikaj.
Onka se tlamantli tlen tlauel moneki tijkuamachilisej. Ipan Biblia tlauel pankisa ni tlamachtili: toTeotsij kitlalis se tlanauatijkayotl ne iluikak katli kichiuas ma kitlepanitakaj uan ma kimatikaj san ya kinamiki tlanauatis. Ipan ni pilamochtsi ta tikitas ya nopa tlamachtili tlen tlauel pankisa ipan nochi Biblia, peua ipan Génesis uan tlami ipan Apocalipsis.
Tlen tikitakejya mitspaleuis tijkuamachilijtias tlen tlamachtia Biblia, se amochtli katli tlauel kiixmatij ipan nochi Tlaltipaktli.
^ párr. 9 Amo nochipa san se moijkuiloua tonali tlen panotia. Tlatsintla tikitas ijkuilijtok a.u.J., tlen kiijtosneki “kema ayamo ualajtoya Jesús”. Kej nopa miakej kiixmatij. Maske Jesús tlakatki nechka xiuitl 2 kema ayamo asiyaya xiuitl 1 tlen ni tonali katli panotok. Uan kema tikitas y.u.J., kiijtosneki “kema ya ualajtoya Jesús”.
Tlen nojkia mitspaktis tikitas
TLEN TIJCHIUAJ
¿Tlake tijchiuaj ipan Kali kampa timosentiliaj?
Xia kampa timonechikouaj uan tikitas tlake tijchiuaj nopaya.
