Chifukwa Wuli Tikwenera Kuŵazga Baibolo?
Kasi mukulimanya makora Baibolo? Palije buku lililose mu mdauko ilo lathandazgika kuluska Baibolo. Ŵanthu ŵa mitundu yose ŵawona kuti uthenga uwo ulimo ngwakupembuzga ndiposo ukuŵapa chigomezgo na kuŵawovwira pa umoyo wawo. Kweni ŵanandi ŵakulimanya makora yayi Baibolo. Kwali mukusopa panji yayi, namwe mukwenera kuti mukudokera kumanya ivyo vilimo. Kabuku aka kanozgeka kuti kamovwirani kumanya uthenga uwo uli mu Baibolo.
PAMBERE mundambe kuŵazga Baibolo, ntchakovwira kuti mumanye fundo zichoko waka zakukhwaskana na buku ili. Baibolo likumanyikwaso na zina lakuti Malemba Ghatuŵa. Mu Baibolo muli mabuku panji vigaŵa 66; lakwamba ni Genesis ndipo laumaliro, Uvumbuzi.
Kasi ni njani uyo wakata Baibolo? Ili ni fumbo liwemi. Fundo njakuti, Baibolo likalembeka na ŵanthu ŵakukwana 40 mu vilimika vyakujumpha 1,600. Ndipouli, ŵanthu aŵa ŵakayowoyapo yayi kuti ndiwo ŵakata Baibolo. Munyake uyo wakalembako Baibolo wakati: ‘Malemba ghose ngakupelekeka na Chiuta.’ (2 Timote 3:16) Munyakeso wakati: “Mzimu wa Yehova ukuyowoya mwa ine, mazgu ghake ghali pa lulimi lwane.” (2 Samuel 23:2) Ntheura, awo ŵakalemba Baibolo ŵakuti Yehova Chiuta, Fumu ya Chilengiwa chose, ndiyo wakata Baibolo. Awo ŵakalemba Baibolo ŵakuvumbura kuti Chiuta wakukhumba kuti ŵanthu ŵamumanye makora.
Kuti munthu wapulikiske Baibolo wakwenera kumanya chinthu chinyake. Malemba ghose ghakukolerana pa fundo yimoza: chilengiwa chikwenera kumanya kuti Chiuta ndiyo ngwakwenelera kuwusa ŵanthu kwizira mu Ufumu wake wa kuchanya. Mu mapeji ghakulondezgapo muwonenge kuti Malemba ghose, kwamba Genesis mpaka Uvumbuzi, ghakukoleranako pa fundo yeneyiyi.
Pakuti tamanya ivi, sono tiwonenge uthenga uwo ukusangika mu Baibolo pakuŵa buku lakumanyikwa pa charu chose.
^ Pali nthowa zinandi zakuzunulira madeti. Mu kabuku aka, C.E. wakwimira “Common Era.” (panji nyengo ya Yesu) ndipo B.C.E. wakwimira “Before the Common Era.” (panji pambere Yesu wandize) Muwonenge kuti nyengo iyi yalongoreka musi mwa peji lililose.
Panji Mungatemwa Kuŵerengaso Nkhani Izi
MANYANI VYA ISE
Chifukwa Wuli Mukwenera Kusambira Baibolo?
Baibolo likuzgora mafumbo ghakuzirwa gha ŵanthu ŵanandi pa charu chose. Kasi mukukhumba kuti mafumbo ghinu ghazgoreke?
