Abọ 9

Emọ Izrẹl A Yare nọ A rọ Ovie Mu Kẹ Ae

Sọl, ovie ọsosuọ Izrẹl ọ ghẹmeeyo. Devidi ọ rehọ ẹta riẹ, yọ Ọghẹnẹ ọ reọvọ uvie ebẹdẹ bẹdẹ kugbei

NỌ Samsin o whu no, Samuẹle ọ tẹ jọ ọruẹaro gbe obruoziẹ evaọ Izrẹl. Emọ Izrẹl a te mu Samuẹle họ ekpokpo inọ a gwọlọ ovie nọ o re su ai wọhọ epaọ erẹwho nọ e wariẹ e rai họ. Dede nọ ayare nana ọ jọ ọjẹfiẹ kẹ Jihova, ọ ta kẹ Samuẹle nọ o ru epanọ a gwọlọ na. Ọghẹnẹ ọ tẹ salọ ọzae omaurokpotọ jọ nọ a re se Sọl re ọ jọ ovie. Rekọ nọ oke o be nyaharo na, Sọl Ovie na o te ti wo omorro gbe ẹzi aghẹmeeyo. Jihova ọ tẹ siẹe, jẹ vuẹ Samuẹle re ọ rehọ omọfa mu ovie—ọmoha jọ nọ a re se Devidi. Dede na, o te rehọ ikpe buobu taure Devidi o te muhọ esuo.

Devidi ọ nyae ruẹ inievo ekpako riẹ nọ e jọ usu ogbaẹmo Sọl, yọ o wọhọ nọ oke nana ọ gbẹ jọ uzoge. Ogwara jọ evaọ usu ewegrẹ Izrẹl, nọ a re se Goliat, nọ ọ jẹ rehọ emọ Izrẹl gbe Ọghẹnẹ rai se ẹkoko, o ru udu no ogbaẹmo Sọl kpobi awọ. Eva e dha Devidi, ọ tẹ ta nọ ọ rẹ họre ogwara na. Nọ ọ tọlọ udeme riẹ gbe ibitho jọ, Devidi ọ tẹ nyae rọ ovao dhe ogwara na, ọnọ o theri vi irula izii. Nọ Goliat ọ rọ Devidi ta atahwẹ, Devidi ọ tẹ kpahe zihe kẹe inọ ọ thoma kpahe vrẹ riẹ, keme odẹ Jihova Ọghẹnẹ ọyomariẹ o bi ro bru rie ze! Devidi ọ tẹ rọ ubitho ovo sa Goliat kpe jẹ rehọ ọgbọdọ obọ Goliat bru uzou riẹ. Ozọ u mu ogbaẹmo Filistia, a tẹ dhẹ.

Oke ọsosuọ, aruọwha Devidi o were Sọl gaga, fikiere ọ tẹ rehọ iẹe mu ọnọ o wuzou ogbaẹmo riẹ. Rekọ uwhremuna, obokparọ Devidi o tẹ lẹliẹ Sọl jẹ riẹe ihri. Devidi ọ tẹ jẹ dhẹ kẹ uzuazọ riẹ no oria ruọ oria ikpe buobu. Ghele na Devidi ọ gbẹ jẹ romakpotọ kẹ Sọl nọ ọ jẹ gwọlọ iẹe kpe na, be kareghẹhọ inọ Jihova Ọghẹnẹ ọ rehọ Sọl mu ovie. Ukuhọ riẹ, Sọl o whu evaọ ẹmo. U kri hi, Devidi o te muhọ esu wọhọ ovie wọhọ epanọ Jihova ọ ya eyaa riẹ.

Wọhọ ovie, o jọ isiuru Devidi gaga re ọ bọ etẹmpol kẹ egagọ Jihova. Rekọ Jihova ọ rọwo kẹ Devidi hi, ọ vuẹ riẹ inọ ọmọ riẹ jọ họ ọnọ ọ te bọ uwou na. Solomọn họ ọmọ Devidi nọ Jihova ọ ta inọ ọ te bọ etẹmpol na. Dede na, Ọghẹnẹ ọ ghale Devidi ẹkwoma obọdẹ ọvọ nọ ọ re kugbei: Uviuwou Devidi o rẹ te jọ uyẹ-uvie oghẹrẹsa. Mai woma na, etẹe Osiwi hayo Ubi nọ a ya eyaa riẹ evaọ ọgbọ Idẹn na o ti no ze. Ubi yena ọ rẹ te jọ Mesaya na, onọ otofa riẹ o rrọ “Ọnọ A Wholo,” ọnọ Ọghẹnẹ o ro mu. Jihova ọ ya eyaa inọ Mesaya na ọ te jọ Osu ọrọ egọmeti hayo Uvie nọ o te jọ bẹdẹ bẹdẹ.

Avọ evawere, Devidi o te koko ekwakwa eghaghae buobu nọ a rẹ rọ bọ uwou họ kẹ ebabọ etẹmpol na. Avọ ẹgba ẹzi Ọghẹnẹ nọ ọ jariẹ oma, o kere ile buobu re. Nọ ọ kẹle uwhu no, Devidi ọ tẹ ta nọ: “Ẹzi ỌNOWO na ọ be rehọ omẹ ta ẹme, ẹme riẹ ọ rọ ẹrọo mẹ.”—2 Samuẹle 23:2.

—Wọhọ epanọ o rrọ obe Samuẹle Ọsosuọ gbe ọrọ Avivẹ; Iruẹru-Ivie Ọsosuọ; Aizaya 9:7; Matiu 21:9; Luk 1:32; Jọn 7:42.

◼ Fikieme Jihova ọ rọ rehọ Devidi nwene ẹta Sọl wọhọ ovie?

◼ Ekwakwa aghae vẹ Devidi o dhesẹ via makọ okenọ ọ re te jọ ovie he?

◼ Ono họ Ubi hayo Osiwi nọ a ya eyaa riẹ na, nọ a ruẹaro nọ o ti no uviuwou Devidi ze na?

[Eme nọ a fi ẹgba họ nọ e rrọ ẹwẹ-obe avọ 12]

“Mẹ . . . te rehọ agbara uvie riẹ mu bẹdẹ.”—2 Samuẹle 7:13

Omaa-iruo nọ e rrọ ẹwẹ-obe avọ 12]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

● 1 Samuẹle

● 2 Samuẹle

1 Ivie

2 Ivie

● 1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Hagai

Zekaraya

Malakae

Matiu

Mak

Luk

Jọn

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia