ΣΑΡ κα αβέλας η ζωή άμα εκ σαστό λαός ντα λένγκο βασιλιάς κα μουκχένας ι Ιεχωβάς τι κερέλ-λεν κουμάντος ντα κα ασουνένας Λέσκε νόμοι; Η απάντηση ντιντιλί όταν για 40 μπρεσά κυβερνίνελας ο Σολομών.

Πριν τι μερέλ, ο Δαβίδ βακερντάς ότι βασιλιάς λέσκε θεσιάτε κα αβέλας λέσκο τσσαβό, ο Σολομών. Εκχέ σουνέστε σο ντικχλάς ο Σολομών, ο Ντεβέλ βακερντάς λέσκε τι μανγκέλ κάτι. Ο Σολομών μανγκλάς σοφία ντα γνώση για τι κρίνελ ι λαός σωστά. Ο Ιεχωβά μπεϊντιντάς οντουβά σο μανγκλάς ο Σολομών ντα οτθάρ ντινάς-λες μπουτ σοφία ντα κερντάς-λες τι αγαβέλ μπουτ πράγματα. Επίσης, ο Ιεχωβά ντινάς-λες πο λάφι ότι, άμα κα ασουνέλας-λες, κα αβέλας μπουτ χουλανό, κα κερέλας μπαρό ναβ ντα κα τζουβντιόλας μπουτ μπρεσά.

Ο Σολομών κερντάς μπαρό ναβ επειδή λέλας αποφάσεις με σοφία. Για παράδειγμας, ντούι τζουβλιά χάνας-πες εκχέ μαξιμίσκε, επειδή η κάθε εκ βακερέλας ότι ο χουρντό ισί λάκο. Ο Σολομών ντινάς εντολή τι τσσινέν ι μαξιμίς κο μασκάρ ντα τι ντεν κι κάθε τζουβέλ από επκάς. Η πρώτη τζουβέλ συμφωνιντάς, αλλά η πραγματική ντάι μολιντάς τον Σολομώντα τι ντεν ι μαξιμίς κι γιαβέρ τζουβέλ. Ο Σολομών αγαντάς ότι η πραγματική ντάι ι χουρντέσκι ισινέ οντιά σο πφαμπιλί λέσκε ντα οτθάρ ντινάς ι χουρντές λάτε. Σαρέ ο Ισραηλίτες λιντέ αμπέρι για την μπουτ λατσσί απόφαση σο λιντάς ο Σολομών ντα αγαντέ ότι τθερέλας ι σοφία ι Ντεβλέσκι.

Εκ κατά πιο σημαντικά πράγματα σο κερντάς ο Σολομών ισινέ ότι χτιντάς ο ναός ι Ιεχωβάσκο κι Ιερουσαλήμ. Οντουβά ναός ισινέ μπουτ μπαρό ντα μπουτ σουκάρ, ντα οτθέ κα τζάνας σαρέ ο Ισραηλίτες για τι ντεν λατρεία κο Ιεχωβά. Όταν κερντέ ο εγκαίνια για το ναός, ο Σολομών προσευχισάλο: «Ντικχ! Ο ουρανός, βα, ο μπαρό ουρανός, ισί μπουτ χουρντό για τι μπεσές τούι οτθέ· καζόμ πιο χουρντό ισί ανταβά κχερ σο χτιντόμ!»​—1 Βασιλέων 8:27.

Ο Σολομών αβιλό γνωστός γιαβερέ-ντα τθεμέντε. Για παράδειγμας, σικλιλέ λέσκε μέχρι κι Σεβά της Αραβίας. Η βασίλισσα της Σεβά κερντάς ταξίδι για τι ντικχέλ ι δόξα ντα ο χουλανιπέ του Σολομώντα ντα για τι αγαβέλ καζόμ σοφός ισινέ. Όταν η βασίλισσα ντικχλάς ι μπαρί σοφία του Σολομώντα ντα ότι ο Ισραηλίτες τζουβντιόνας μπουτ λατσσές, σαστισάλι αζόμ μπουτ σο ντινάς δόξα ι Ιεχωβάς επειδή Βοβ τσσουντάας εκχέ αζόμ λατσσέ βασιλιάς τι κυβερνίνελ. Κο μπρεσά σο κυβερνίνελας ο Σολομών, ο Ιεχωβά ευλογίνελας-λες, ντα η ειρήνη σο τθερένας ο Ισραηλίτες αζομάν ισινέ πιο μπαρί σαρέ κατά γιαβερά μπρεσά.

Όμως, ο Σολομών να συνεχιντάς τι κερέλ ο πράγματα σο βακερέλας λέσκε ο Ιεχωβά. Να ασουντάς ι εντολή ι Ντεβλέσκι ντα παντρισάλο μπουτέ τζουβλιέντζαρ, ατζέ-ντα τζουβλιέντζαρ σο πακιάνας ντεβλέντε σο ισινέ κατά γιαβερά τθεμά. Σιγά σιγά, λέσκε ρομνιά κερντέ-λες τι μουκχέλ ι Ιεχωβάς ντα τι πακιάλ ψεύτικε ντεβλέντε. Ο Ιεχωβά βακερντάς κο Σολομώντας ότι εκ κομμάτι κα νασέλας λέσκε βασιλειάταρ ντα ότι σάντε εκ χουρντό κομμάτι κα ατσσόλας λέσκε φαμιλιάτε χάρη λέσκε νταντέσταρ, του Δαβίδ. Παρόλο σο νασλό ο Σολομών κατά Ιεχωβάσκο ντρομ, ο Ιεχωβά ατσσιλό πιστός κι συμφωνία σο κερντάας με τον Δαβίδ για εκ Βασιλεία.

​—Στηρίντιβελα κο βιβλία 1 Βασιλέων, κεφάλαια 1 μέχρι 11, 2 Χρονικών, κεφάλαια 1 μέχρι 9, ντα κο εδάφιος Δευτερονόμιο 17:17.