Abọ 16

Mesaya na Ọ Roma Via No

Jihova ọ kẹ imuẹro inọ Jesu obọ Nazarẹt na họ Mesaya nọ a ya eyaa riẹ anwẹdẹ na

KỌ Jihova o ti fi obọ kẹ ahwo vuhu Mesaya nọ a ya eyaa riẹ na? Ee. Roro kpahe oware nọ Ọghẹnẹ o ru. Okenọ ekere Ikereakere Hibru na o kuhọ no, nọ oware wọhọ ikpe egba ene (400) efa e ruemu no o ro ru onana. Oghẹrẹ ọrara jọ o bru uvovo-aye jọ nọ a re se Meri ze evaọ Nazarẹt, ofẹ ẹkpẹlobọ ovatha-ọre Galili. Ọrara nana họ ukọ-odhiwu nọ a re se Gebriẹl, ọ romavia kẹ Meri jẹ ta kẹe inọ Ọghẹnẹ ọ be te rọ ẹkwoma ẹzi ọfuafo Riẹ ru Meri dihọ je yẹ ọmọzae, dede nọ ọ re riẹ ọzae he. Ọmọzae nana ọ be te jọ Ovie nọ a ya eyaa riẹ anwẹdẹ na, ọnọ o ti su bẹdẹ bẹdẹ na! Ọnana yọ Ọmọ Ọghẹnẹ, ọnọ Ọghẹnẹ o ti kpeze uzuazọ riẹ no odhiwu ze fihọ edhede Meri.

Meri ọ rọ omaurokpotọ jẹ uvẹ-ọghọ yena rehọ. Nọ Ọghẹnẹ o vi ukọ-odhiwu bru Josẹf, ọwena nọ ọ sa Meri họ otọ, jẹ vuẹe epanọ Meri o ro dihọ, Josẹf ọ tẹ rọwo nọ ọ rẹ rehọ iẹe. Kọ, ẹvẹ kpahe eruẹaruẹ nọ e ta nọ obọ Bẹtlẹhẹm a ti jo yẹ Mesaya na? (Maeka 5:2) Ẹwho ọkakao yena ọ rọ oware wọhọ emaele udhone gbe ikpe thabọ no Nazarẹt!

Osu Rom o jie uzi inọ a kele ahwo ẹkwotọ na. Uzi na o gba ohwo kpobi họ inọ o re kere odẹ họ otọ evaọ otẹwho riẹ. O wọhọ nọ Bẹtlẹhẹm Josẹf avọ Meri a no ze, fikiere aimava a te kpohọ obei, yọ Meri o dihọ. (Luk 2:3) Meri ọ tẹ jọ uwou erao yẹ, jẹ rọ ọmọ na kiẹzẹ ehru etehe-ọrẹ-erao. Ọghẹnẹ o te vi ukọ-odhiwu nyae vuẹ ithuru-igodẹ jọ nọ e jọ akotọ ugbehru evaọ obọ ẹwọ inọ ọmọ nọ Meri o yẹ na họ Mesaya hayo Kristi nọ a ya eyaa riẹ na.

Amọfa a ti je se isẹri inọ Jesu họ Mesaya nọ a ya eyaa riẹ na. Aizaya ọ ruẹaro no vẹre inọ ohwo jọ ọ te karo, te ruẹrẹ edhere họ kẹ iruo ilogbo nọ Mesaya na o ti ru. (Aizaya 40:3) Ohwo yena họ Jọn Ọhọahwo-Ame na. Nọ ọ kparo ruẹ Jesu, Jọn o te bo nọ: “Ri Omogodẹ Ọghẹnẹ, ọ nọ ọ wha izieraha akpọ na vrẹ!” Ababọ okioraha, ilele Jọn jọ e tẹ nwani lele Jesu. Omọvo rai jọ ọ ta nọ: “Ma ruẹ Mesaya na” no.—Jọn 1:29, 36, 41.

Isẹri efa e riẹ nọ e kẹ imuẹro inọ Jesu họ Mesaya na. Okenọ Jọn ọ jẹ họ Jesu ame, Jihova ọ ta ẹme no odhiwu ze. Ọ rọ ẹkwoma ẹzi ọfuafo rehọ Jesu mu wọhọ Mesaya na, jẹ ta inọ: “Ọnana họ Ọmọ oyoyou mẹ, ọnọ ọ were omẹ hrọ.” (Matiu 3:16, 17) Mesaya nọ a ya eyaa riẹ anwẹdẹ na ọ ze no!

Oke vẹ onana o rọ via? Ukpe 29 C.E., nọ ikpe egba ene, udhone gbe esa (483) nọ Daniẹl ọ ruẹaro rai na e nwane gba no. Ẹhẹ, oyena yọ abọjọ imuẹro nọ a rẹ sae vro ho nọ i dhesẹ nọ Jesu họ Mesaya hayo Kristi na. Kọ didi ovuẹ Jesu ọ be te jọ akpọ na whowho?

—Wọhọ epanọ o rrọ obe Matiu uzou 1 rite orọ avọ 3; Mak uzou 1; Luk uzou avọ 2; Jọn uzou 1.

◼ Ẹvẹ Jihova ọ rọ rehọ ikọ-odhiwu dhesẹ via inọ Jesu họ Mesaya na?

◼ Ẹvẹ Ọghẹnẹ ọ rọ rehọ Jọn Ọhọahwo-Ame na dhesẹ via inọ Jesu họ Mesaya na?

◼ Ẹvẹ Jihova omariẹ ọ rọ kẹ imuẹro inọ Ọmọ riẹ họ Mesaya na?

[Etehe nọ e rrọ ẹwẹ-obe avọ 19]

OGHẸRẸ VẸ Ọ RỌ RRỌ ỌMỌ ỌGHẸNẸ?

Jihova họ Ọsẹ Jesu—rekọ o rọnọ evaọ oghẹrẹ nọ esẹ ahwo-akpọ a re ro wo emọ rai na ha. Orọnikọ aye jọ o yẹ Jesu kẹ Ọghẹnẹ hẹ—Ọghẹnẹ ọ ma riẹ. Ẹhẹ, ọye họ omama ọsosuọ nọ Jihova ọ ma. (Ahwo Kọlọsi 1:15-17) Nọ orọnọ Jihova họ ọnọ ọ ma Jesu jẹ kẹe uzuazọ na, a rẹ sai sei Ọsẹ Jesu. Nọ Jihova ọ ma Ọmọ nana no, o te ru ei họ “osu iruo,” jẹ rọ ẹkwoma riẹ ma eware nọ i kiọkọ kpobi, te otọakpọ gbe idedeghe na.—Itẹ 8:30.

Omaa-iruo nọ e rrọ ẹwẹ-obe avọ 19]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

Matiu ●

Mak ●

Luk ●

Jọn ●

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika