АԚУБ у Щьһуда жь алийе деда бьре Иса бун, ле Пәтрус у Йуһʹәнна шагьртед ԝи бун. Жь нәʹмед кӧ кʹәтьнә нава Ньвисаред Йунанийа, һʹәфт һәв ԝана ньвиси йә. Һәр нәʹмәк бь наве ньвискʹаре хԝә йә. Ширәтед ван нәʹмада кӧ жь бина бәр Хԝәде нә, али Мәсиһийа дькьн, ԝәки һьмбәри Йаһоԝа у Пʹадшатийа ԝи амьнийе хԝәй кьн.

Баԝәрийа хԝә пе шьхӧл избат кьн. Бәс нинә тʹәне бежьн, әм Хԝәде баԝәр дькьн. Баԝәрийа рʹаст пе шьхӧла избат дьбә. Аԛуб ньвисийә: «Баԝәри бейи кьра мьри йә» (Аԛуб 2:26). Баԝәрийа кӧ щерʹьбандьнада шьдийайи йә, тәйахбуне пешда тинә. Мәсиһи гәрәке жь Хԝәде биланийе бьхԝазьн у баԝәр бькьн, ԝәки әԝ ԝе әʹсәйи хԝәстьна ԝан, бинә сери. Кʹи кӧ һʹәта хьлазийе сәбьр дькә, Хԝәде ԝана ԛәбул дькә (Аԛуб 1:2-6, 12). Һәрге әм баԝәрийеда дӧдьли нәбьн, Йаһоԝа ԝе кʹеләка мә бә. Аԛуб дьбежә: «Хԝә ль Хԝәде бьгьрьн, Хԝәде жи ԝе хԝә ль ԝә бьгьрә» (Аԛуб 4:8).

Баԝәри гәрәке ӧса ԛәԝи бә, ԝәки әм бькарьбьн мьԛабьли щерʹьбандьна у бенамусийе бьсәкьньн. Чьмки мәрийед хьраб у бенамус, дор-бәре Мәсиһийа зедә дьбун, ләма жи Щьһуда әԝана һелан дькьрьн, ԝәки ԛайим хԝә бьгьрьн, у сәва баԝәрийе шәрʹ бькьн (Щьһуда 3).

Рʹабун-рʹуньштьна рʹаст у тʹәмьз. Йаһоԝа дьхԝазә ԝәки хьзмәткʹаред ԝи һʹәму алийава, хԝә тʹәмьз хԝәй кьн. Пәтрус дьньвисә: «Пироз бьн нава һʹәму рʹабун-рʹуньштьна хԝәда. Чаԝа ньвисар ә: ‹Пироз бьн, чьмки әзи [Йаһоԝа] пироз ьм›» (1 Пәтрус 1:15, 16). Ве йәкеда, Иса мәсәләкә мәзьн һишт сәва Мәсиһийа. Пәтрус гот: «Мәсиһ хԝәха жи бона ԝә щәфа кʹьшанд у нәхшәк ԝәрʹа һьшт, ԝәки һун пʹегәһа ԝида һәрʹьн» (1 Пәтрус 2:21). Рʹаст ә, сәва пеканина ԛанунед Хԝәде, Мәсиһи дькарьн бьчәрчьрьн, ле бь ве йәке әԝана «исафа рʹьһʹәт» хԝәй дькьн (1 Пәтрус 3:16, 17). Пәтрус Мәсиһийа һелан дькә, ԝәки әԝана тʹәмьз у һʹәлал бьминьн, һивийа рʹожа диԝана Хԝәде у дьнйа создайи бьн, «кʹижанада рʹастийе бьминә» (2 Пәтрус 3:11-13).

Һʹьзкьрьне нишан кьн. Йуһʹәнна ньвисийә: «Хԝәде һʹьзкьрьн ә». Әԝи да кʹьфше, ԝәки Хԝәде һʹьзкьрьнәкә мәзьн да кʹьфше бь ве йәке, чахе Иса шанд ча ԛӧрбан, демәк «чаԝа мәщала бахшандьна гӧнед мә». Мәсиһи чь щурʹәйи гәрәке щаба һʹьзкьрьна Хԝәде бьдьн? Йуһʹәнна шьровәдькә: «Дәлално, һәгәр Хԝәде аһа әм һʹьз кьрьн, ԝәки ӧса йә гәрәке әм жи һәвдӧ һʹьз бькьн» (1 Йуһʹәнна 4:8-11). Жь ван һʹьзкьрьна йәк, меванһʹьзи йә (3 Йуһʹәнна 5-8).

Ле Мәсиһи ча дькарьн һʹьзкьрьна хԝә һьндава Йаһоԝа нишан кьн? Йуһʹәнна щабе дьдә: «Әм һʹьзкьрьна хԝә һьндава Хԝәдеда дьдьнә кʹьфше, гава әм тʹәмийед ԝи дьԛәдиньн. У тʹәмийед ԝи нә гьран ьн» (1 Йуһʹәнна 5:3; 2 Йуһʹәнна 6). Кʹьтеба Пироз дьбежә, кʹи кӧ ӧса гӧрʹа Хԝәде дькә, ԝе нава һʹьзкьрьна Хԝәдеда бә у «жийина һʹәта-һʹәтайе» бьстинә (Щьһуда 21).

​—Сәр һʹиме кʹьтебед Аԛуб; 1 у 2 Пәтрус; 1, 2, у 3 Йуһʹәнна; Щьһуда.