Ο ΙΑΚΩΒΟΣ ντα ο Ιούδας ισινέ πφραλά ι Ιησούσκε, σόσκε τθερένας ι ίδια νταγιά. Ο Πέτρος ντα ο Ιωάννης ισινέ κατά 12 απόστολοι ι Ιησούσκε. Ανταλά σταρ μουρσά γραφιντέ εφτά επιστολές, δηλαδή γράμματα, σο ισί κο Χριστιανικές Ελληνικές Γραφές. Η κάθε επιστολή τθερέλα ο ναβ οντουλέ τζενέσκο σο γραφιντάς-λα. Ο συμβουλές σο ισί κατά Ντεβέλ ντα υπαρχίντιβενα ανταλέ επιστολέντε μανγκένα τι βοηθίνεν ι Χριστιανόν τι ατσσόν πιστοί κο Ιεχωβά ντα τι τθερέν πάντα πουμαρέ γκοντιάτε ι Βασιλεία ι Ντεβλέσκι.

Τι σικαβέν πίστη. Να ερεσέλα σάντε τι βακερέλ εκ τζενό ότι τθερέλα πίστη. Οντουβά τζενό σο τθερέλα αληθινή πίστη κερέλα λατσσέ πράγματα. «Μπαγιά», γραφίνελα ο Ιάκωβος, «η πίστη . . . χωρίς τι κερέλ λατσσέ πράγματα ισί μουλί». (Ιακώβου 2:​26) Άμα ατσσάσα πιστοί όταν τθεράσα δοκιμασίες, αμαρί υπομονή μπαριόλα. Για τι τθερέλ επιτυχία εκ Χριστιανός, πρέπει τι μανγκέλ σοφία κατά Ντεβέλ ντα τι πακιάλ ότι ο Ντεβέλ κα ντελ-λες σοφία. Όταν εκ τζενό τθερέλα υπομονή, ο Ντεβέλ μανγκέλα-λες. (Ιακώβου 1:​2-6, 12) Άμα εκ τζενό ατσσόλα πιστός, ο Ιεχωβά Ντεβέλ κα ευλογίνελ-λες. «Πλησιάνεν ι Ντεβλές», βακερέλα ο Ιάκωβος, «ντα βοβ κα πλησιάνελ-τουμέν».​—Ιακώβου 4:8.

Η πίστη σο τθερέλα ο Χριστιανός πρέπει τι αβέλ αζόμ ζουρανί χρειαζίντιβελα για τι βοηθίνελ-λες τι αντιμετωπίνελ ο πειρασμοί ντα ο λουμνικανέ πράγματα σο μπορίνενα τι επηρεάνεν-λες. Επειδή αζομάν ο τζενέ κερένας μπέτι πράγματα, ο Ιούδας βακερντάς οντουλένγκε σο τθερένας ι ίδια πίστη λέσαρ «τι κερέν μπουτ προσπάθεια για την πίστη».​—Ιούδα 3.

Τι συμπεριφερίντιβεν σωστά. Ο Ιεχωβά μπεσέλα οντουλένταρ σο ντένα-λες λατρεία τι αβέν άγιοι, δηλαδή τι αβέν πάκι σαρέ κο πράγματα. Ο Πέτρος γραφίνελα: «Τι αβέν . . . άγιοι σαρέ κο πράγματα σο κερένα, επειδή ισί γραμμέ: “Πρέπει τι αβέν άγιοι, επειδή με [ο Ιεχωβά] ισινόμ άγιος”». (1 Πέτρου 1:​15, 16) Ο Χριστιανοί τθερένα εκ μπουτ λατσσό παράδειγμας για τι ακολουθίνεν. «Ο Χριστός τσσιντιντάς μπουτ τουμένγκε», βακερέλα ο Πέτρος, «ντα μουκχλάς τουμένγκε παράδειγμας για τι ακολουθίνεν λέσκε βήματα πιστά». (1 Πέτρου 2:​21) Παρόλο σο ο Χριστιανοί μπορεί τι τθερένα δυσκολίες επειδή κερένα οντουλά σο βακερέλα ο Ντεβέλ, ατσσικιαρένα «λατσσί συνείδηση». (1 Πέτρου 3:​16, 17) Ο Πέτρος βακερέλα κο Χριστιανοί τι αβέν πάκι σαρέ κο πράγματα σο κερένα ντα τι υπηρετίνεν ι Ιεχωβάς με σεβασμός, αζόμ μπεκλεντίνενα τι αβέλ ο ντιβές σο κα κρίνελ ο Ντεβέλ ι τζενέν ντα ο νεβό ντουνιάς σο οτθέ «κα αβέλ δικαιοσύνη».​—2 Πέτρου 3:​11-13.

Τι σικαβέν αγάπη. «Ο Ντεβέλ ισί αγάπη», γραφίνελα ο Ιωάννης. Ο απόστολος βακερέλα ότι ο Ντεβέλ σικαντάς πι μπαρί αγάπη όταν μπουτσσαντάς ι Ιησούς σαρ «θυσία αμαρέ αμαρτιένγκε». Σο πρέπει τι κερέν ο Χριστιανοί; Ο Ιωάννης εξηγίνελα: «Άμα αντικάς μανγκλάς-αμέν ο Ντεβέλ, αμέν-ντα τθεράσα ι υποχρέωση τι μανγκάς ο εκ ι γιαβερές». (1 Ιωάννη 4:​8-11) Εκ τρόπος για τι σικαβάς ασακί αγάπη ισί τι φιλοξενίνας οντουλέν σο τθερένα ι ίδια πίστη αμέντζαρ.​—3 Ιωάννη 5-8.

Όμως, σαρ μπορίνενα οντουλά σο ντένα λατρεία ι Ιεχωβάς τι σικαβέν πουμαρί αγάπη λέσκε; Ο Ιωάννης βακερέλα: «Αντικάς σικαβάσα αμαρί αγάπη κο Ντεβέλ: τι κεράς οντουλά σο βακερέλα αμένγκε ντα οντουλά σο βακερέλα νανέ πφαρέ». (1 Ιωάννη 5:3· 2 Ιωάννη 6) Ο Ντεβέλ βακερέλα οντουλέ τζενένγκε σο ντένα-λες καν ότι κα συνεχίνελ τι μανγκέλ-λεν ντα ντέλα-λεν πο λάφι ότι κα «τζουβντιόν για πάντα».​—Ιούδα 21.

​—Στηρίντιβελα κο επιστολές Ιακώβου, 1 Πέτρου, 2 Πέτρου, 1 Ιωάννη, 2 Ιωάννη, 3 Ιωάννη ντα Ιούδα.