Jewba dewmafi Adan ka Eva engu ñi nieael afnoachi mongen kiñe Küme Mülewe mew. Satana üñfitufi Jewba ñi üy ka kiñepülekünufi ta Ngünechen ka pilay ñi ngünenieetew. Weküfü wentruwi, ka Adan, Eva engu ka femi, femngechi kondenafi tati pu che ti yafkan ka lan

Ngünechen kondenafi ta Satana, Adan ka Eva ka feypikünuy kiñe Yomelche (küpalelu) mew ñi apümafiel ta Satana ka apümafi ti wedake dungu nielu tati pu che, Adan ka Eva ñi feyentunon ka tañi yafkan

Ngünechen feypikünufi ta Abraam ka David tañi reñma mu tripayay ti yomelche (küpalelu), ti Mesia ngüneniealu rumel mew

Jewba feypifi tati pu pelon wentru, ti Mesia apümafi ti yafkan ka lan, ka Longko Ülmenküleal Ngünechen ñi Ngünenien mu. Ka ngünenieay trür kiñe trokiñ che, femngechi trür apümafi engün ti weychan, kutran ka lan dungu

Jewba pengeli, Jesu ñi Mesia ngen. Kidu werküfi ti Mapu mew ñi amuldungual Ngünechen ñi Ngünenien, ka layal kom tati pu che mew. Welu lalu Jesu, Jewba wiñomongeltufi kiñe püllü reke

Ngünechen üytufi ta Jesu Longko Ülmen (Rey) wenu mapu mu, femngechi llituy (akuy) ti afchi antü tüfachi Mapu mew. Jesu ngüyülniey tañi pu inaniekeetew mülelu Mapu mu ñi amuldungual ti kümeke dungu Ngünechen ñi Ngünenien

Jewba werküfi ñi fotüm ñi llitual ñi ngünenieal ti Mapu. Ti Ngünenien apümafi tati pu wentru ngünenielu tüfachi Mapu, ka wiño küme elngetuay tati Küme Mülewe ka eluafi engkañngenochi (yafkangenochi) mongen tati pu püntütripanolu chi che. Ka Jewba sakinyeay kom tañi Ngünenieal ka liftuyeay tañi üy rumel mew