Adüga lumutiña Heowá Adán tuma Ewa ru ligía chansi houn lun hawinwandun lun súnwandan. Aba lanabaguni Satanási liri Heowá, asigenehati luagu liricha lun larúeihan. Óundaratiña Adán tuma Ewa luma Mafia lidan lebedaagun, ítara liña hasiadiruniña gürigia lidoun figóu luma óunweni

Aba lasiadiruniña Bungiu ebedaagutiña, füramaseti lagumuchuba lan Tadügawagun würi lau Satanási, aranseléime dañu le lanügübei maganbadi luma figóu

Füramaseti Bungiu lun Abüraámü luma Dawidi hádangiñeba lan hafamilian liabin Tadügawagun würi o Mesíasi, le lunbei larúeihan lun súnwandan

Awisahati Heowá hayumulugugiñe lánigu profeta luagu lagumuchuba lan Mesíasi lau figóu luma óunweni ani ligíaba lan Urúei lidan Larúeihan Bungiu. Úara luma harúeihaba giñe aban sétanu gürigia, súngubei hagía hagumuchuba lau wuribu, sandi luma óunweni

Subudigüda lumuti Heowá Hesusu lan Mesíasibei. Óunaha lumuti ubouagun apurichihei Larúeihan Bungiu luma lun líchuguni libagari lidan sákürifisiu. Lárigiñe águyuguagüda lumuti Heowá kei aban sífiri gürigia

Írida lumuti Bungiu Kristu Urúeime sielu, ábati lagumeserun lagumuhóun burí dan lidan ubóu le. Hesusu arihibei lau lapurichihóun luagu Larúeihan Bungiu lidan sun ubóu

Ariñagati Heowá lun Liráü lun lagumeserun agumadiha ubouagu. Lagumuchuba Larúeihan lau sun arúeihani ubouaguna, ladügübei ubóu paraísume ani lagiribudagüdübei ibagari sin figóu houn ha úaraguatiña. Masigenehounwadigiaalime luagu liricha Heowá lun larúeihan, ani sándubei liri lun súnwandan