Jehova skapar Ádam og Evu við útlitinum til at liva í allar ævir í einum paradísi. Satan háðar navn Guds og ivast í, at hann hevur rættin at ráða. Ádam og Eva taka undir við Satani í uppreistrinum, og tað hevur synd og deyða við sær, bæði fyri tey og eftirkomarar teirra

Jehova dømir uppreistrarfólkini og lovar, at ein frelsari ella eitt avkom skal koma, sum beinir fyri Satani og strikar allar avleiðingarnar av uppreistri og synd

Jehova lovar Ábrahami og Dávidi, at teir skulu blíva ættarfedrar til avkomið, Messias, ið skal ráða sum kongur í allar ævir

Jehova gevur profetum íblástur at boða frá, at Messias skal gera enda á synd og deyða. Saman við samstjórnarum sínum fer hann at ráða sum kongur í Guds ríki, sum beinir fyri kríggi, sjúku og eisini deyða

Jehova sendir son sín til jarðar og ger greitt, at Jesus er Messias. Jesus boðar Guds ríki og ofrar lív sítt. Jehova reisir hann síðani upp sum anda

Jehova gevur soni sínum kongsvald í himli, og hetta merkir, at teir síðstu dagarnir hjá hesi heimsskipanini eru byrjaðir. Jesus leiðir lærisveinar sínar á jørðini í heimsumfatandi arbeiðinum við at boða um Guds ríki

Jehova gevur soni sínum boð um at lata Ríkið stjórna jørðini. Ríkið sorar øll tey óndu stjórnarveldini, stovnar Paradísið og leiðir tey menniskjuni, sum hava verið trúføst móti Gudi, fram til fullkomileika. Tað verður staðfest, at Jehova hevur rættindi at ráða, og navn hansara verður halgað med alla