Yaˬhoˉvaˬ Aˍdanˍ leh Eˇvaꞈ htaꞈ Paˍraˍdiˇsuˆ hk’aw co co taiˍ taiˍ a shaꞈ teꞈ tuˬ hpanˍ taˍ ve yoˬ. Saˍtanˍ lehˬ, G’uiˬ sha ve awˬ meh leh G’uiˬ sha uˉ peunˍ ve maˇ daꞈ tehꞈ she ve yoˬ. Saˍtanˍ geh Aˍdanˍ leh Eˇvaꞈ hpfuhˆ ve pa taw, yawˇ huiˉ maˬ leh awˬ yaˇ awˬ duˬ venˇ baˆ leh gʼa suh ve yoˬ.

Yaˬhoˉvaˬ hpfuhˆ paˍ hui htaꞈ suhˉ taˆ cheˆ leh ka tiꞈ te piˇ ve, Awˬ ceuˬ awˬ hk’aˇ htaiˍ hk’awꞈ laˇ shehˍ hpaˇ Saˍtanˍ htaꞈ naˆ nehˆ leh venˇ baˆ htaꞈ ponˬ veawˬ hkʼaˇ peꞈ laˇ tuˬ yoˬ.

Aˍbraˍhanˍ leh Daˍviˆ co co taiˍ taiˍ Jawˇmawˇ Awˬ ceuˬ awˬ hk’aˇ Meˍsiˉyaꞈ ve awˬ puˍ lonˉ hpehꞈ tuˬ yoˬ tehꞈ, Yaˬhoˉvaˬ ka tiꞈ te piˇ ve yoˬ.

Yaˬhoˉvaˬ tcuh kaˍ paˍ hui htaꞈ dawˇ pawnˍ piˇ leh k’oˆ ve, venˇ baˆ leh suh ve htaꞈ Meˍsiˉyaꞈ gu tuˬ yoˬ. G’uiˬ sha ve mvuhˇ miˬ hk’aw Meˍsiˉyaꞈ leh yawˇ geh uˉ peunˍ ve Jawˇmawˇ te htaˇ maꞈ bawˆ daꞈ ve, naˬ ve, suh ve awˬ ceuˬ htawˇ maˇ k’awꞈ cawˬ.

Yaˬhoˉvaˬ Yaˇ hpu htaꞈ miˬ guiˬ hk’oˆ peu laˇ leh, Yeˍsuˆ Meˍsiˉyaꞈ hpehꞈ ve yoˬ tehꞈ hpeuꞈ maˍ laˇ ve yoˬ. Yawˇ G’uiˬ sha ve mvuhˇ miˬ awˬ lawn hto toˇ leh, yawˇ ve a shaꞈ tuˉ tanˇ ve yoˬ. Yaˬhoˉvaˬ yawˇ htaꞈ awˬ ha ve awˬ to k’awꞈ teꞈ tu la piˇ ve yoˬ.

Yaˬhoˉvaˬ Yaˇ hpu htaꞈ mvuhˇ naw ma hk’oˆ Hkunˉ hawˉ hkanˇ te tcuh leh, awˬ leh meuˇ ve awˬ nyi awˬ haˉ tanˬ peuˬ ve awˬ heˆ hpehꞈ ve yoˬ. G’uiˬ sha ve mvuhˇ miˬ awˬ lawn hto toˇ chehˇ ve awˬ laꞈ g’awˇ hui htaꞈ Yeˍsuˆ sheh k’ai chehˇ ve yoˬ.

Yaˬhoˉvaˬ Yaˇ hpu htaꞈ miˬ guiˬ hk’oˆ uˉ peunˍ tcuh ve yoˬ. Uˉ peunˍ ve chi lehˬ, uˉ peunˍ chehˇ ve haiˬ ve hk’a peu˗eˬ htaꞈ te luˬ tuˬ ve, miˬ guiˬ htaꞈ Paˍraˍdiˇsuˆ hpehꞈ tuˬ ve, leh ka tiꞈ hk’a yeˬ ve chaw htaꞈ biˇ jaˇ ve chaw hpehꞈ la tuˬ yoˬ. Yaˬhoˉvaˬ uˉ peunˍ ve hteˇ cawˇ ve yoˬ tehꞈ shiˍ leh, yawˇ ve awˬ meh htaꞈ co co taiˍ taiˍ yawˆ yan piˇ tuˬ yoˬ.