¿Baibil ba dîa dukiara aisisa? —Tânka Prahni ra
Jehova Adam Iv wal ra paskan bara paradais kum ra ban kaia ra iwaia sanska yaban. Sitan ba Gâd nina dukiara saura aisan, bara king aimakaia raitka ba Gâd âpu win. Adam Iv wal Sitan wal asla takan. Baha mita upla nani ba saurka lâka brin bara pruan
Gâd mita Adam Iv ra lahtuban bara pramis munan Kiamka kum balbia. Naha ba Sitan ra sauhki tikbia, bara saurka lâka âpu daukbia
Gâd Ebraham bara Debit ra pramis munan witin nani wina balaia Kiamka ba takbia, bara ban kaia ra king aimakbia
Jehova prapit nani bâk pramis munan Misaya saurka lâka bara prura âpu daukbia, bara King kum kabia. Misaya wal upla kum kum king aimakbia bara aikuki war aiklabanka, siknis bara prura ba âpu daukbia
Jehova marikan Jisas ba Misaya kan. Gâd ba Jisas ra naha tasba ra blikan Gâd Kingka lâka smalkaia bara upla nani dukiara pruaia. Jisas pruan taim, Jehova mita kli rayaka ba spirit uplika kum baku yaban
Gâd ba Jisas ra King mangkan heven ra. Tnata yua nani ba tâ krikisa. Jisas ba Gâd Kingka lâka smalkaia warkka ba pura kaikisa
Jehova Jisas ra blikan naha tasba ra king aimakaia. Naha ba gabamint nani ra sauhki tikbia, paradais kum paskbia, bara upla bîla wawalra ba kasakkira takbia. Jehova king aimakaia ai raitka bri ba upla kumi sin mapara bubia apia, Gâd nina holi ban kaia ra daukbia