Jehová kinchijki Adán uan Eva, inijuantij ueliskiaj itstosej nochipa ipan Xochimili. Satanás kitelchijki Jehová itoka uan kiijtok amo kinamiki tlanauatis. Adán uan Eva nojkia kiijixnamijkej toTeotsij kej kichijki Diablo, yeka nama nochi tlajtlakolejkej uan mikij

ToTeotsij kiijtok kintlatsakuiltis tlaijixnamikinij uan kiijtok se Temakixtijketl kitsontlamiltis Satanás uan kipatlas nochi tlen kichijkej katli amo tlaneltokakej uan tlajtlakolchijkej

ToTeotsij kiniljuik Abraham uan David, nopa Temakixtijketl o Mesías katli nochipa tlanauatis, ualaskia tlen ininchampoyouaj

Jehová kichijki itlajtolpanextijkauaj ma tematiltikaj nopa Mesías kitlamiltis tlajtlakoli, mikilistli uan ya elis Tlanauatijketl ipan toTeotsij iTlanauatijkayo. Iuaya no tlanauatisej sekinok, uan san sejko kitsontlamiltisej uejueyi tlauilankayotl, kokolistli uan mikilistli

Jehová tematiltik Jesús yaya Mesías. Ya kititlanki ma tlajtolmoyauaki tlen toTeotsij iTlanauatijkayo ipan Tlaltipaktli uan ma motemaktili kej se tlakajkaualistli. Kema mijki, Jehová kiyolkuik kej se iluikaejketl

ToTeotsij kitekitlalik Cristo kej Tlanauatijketl ne iluikak, uajka pejki monechkauia itlamia nochi tlen amo kuali. Jesús kiyakana tlajtolmoyaualistli ipan nochi Tlaltipaktli tlen toTeotsij iTlanauatijkayo

Jehová kinauatik iKone ma peua tlanauati ipan Tlaltipaktli. Nopa Tlanauatijkayotl kintsontlamiltis nochi tlanauatianij, kikualchijchiuas Xochimili uan kinchiuas ma sampa elikaj xitlauakej katli amo kikauaj toTeotsij. Ayokmo kema kiijtosej amo kinamiki tlanauatis Jehová, uan itoka nochipa moueyichiuas