Diosmi Adantawan Evata unanchaspan nin sumaq huertapi wiñay kawsanankupaq. Satanasmi Jehová Diospa sutinta yanqachan, iskayrayachinmi kamachinanpaq derechontapas. Adanwan Evam Diablota kasuspanku runakunata wañuymanwan huchaman churan

Jehová Diosmi sentencian contranpi chay churakuqkunata, hinaspam nin Satanasta huk Miray puchukachispan kaqmanta tukuyta allichananta

Abrahanmanwan Davidmanmi Dios prometen castankumanta prometesqa Miray hamunanta, payqa wiñaypaq kamachiq Mesiasmi

Diosmi profetankunawan nin Mesias huchatawan wañuyta chinkachinanta, Diospa Munaychakuyninpi Rey kanantapas. Paywanmi wakin runakunapas kamachinqa, hinaspam guerrakunata, onqoykunatawan wañuyta chinkachinqaku

Jehová Diosmi willan Jesusqa Mesias kasqanta. Paymi kay Pachaman kachamurqa Munaychakuyninmanta willakunanpaq hinaspa runakunarayku wañunanpaqpas. Wañukuptinmi Diosqa kawsarichin espirituña kananpaq

Hanaq pachapim Diosqa Cristota Rey kananpaq churan, hinaptinmi tukupay punchawkuna qallarin. Jesusqa qawantaqmi enteron pachapi predicacion apakusqanta

Diosmi Churinta kamachin kay Pachata Gobiernananpaq. Hinaspam gobiernokunata puchukachispan kay pachata sumaq huertaman tikran, kasukuqkunapas mana pantaqñam kanku. Diospa kamachinanpaq derechonqa manam yanqachasqañachu kanqa, sutinpas wiñaypaqmi chuyanchasqa kanqa