Jehova udala Adamu na-Eva afuna baphile phakadze ePharadisi. Sathane unyundzela ligama laNkulunkulu futsi ubekela lilungelo lakhe lekubusa insayeya. Bo-Adamu na-Eva balandzela Sathane kulokuhlubuka kwakhe, batiletsela sono kanye nekufa, bona kanye nentalo yabo

Jehova ujezisa letihlubuki futsi utsembisa kutsi utawu-letsa uMsindzisi, nobe Intalo leyawufihlita Sathane, futsi icedze yonkhe imiphumela yekuhlubuka kanye nesono

Jehova utsembisa Abrahama naDavide kutsi batawuba bokhokho baleNtalo, nobe Mesiya lotawuba yiNkhosi kuze kube phakadze

Jehova uphefumulela baphrofethi kutsi babiketele kutsi Mesiya utawukhulula bantfu esonweni nasekufeni. Akanye nalabo latawubusa nabo, Jesu utawuba yiNkhosi yeMbuso waNkulunkulu, lotawucedza timphi, kugula, ngisho nekufa imbala

Jehova utfumela Jesu iNdvodzana yakhe emhlabeni, futsi ukhombisa kutsi unguMesiya. Jesu ushumayela ngeMbuso waNkulunkulu, uphindze anikele ngekuphila kwakhe njengemhlatjelo. Jehova uyamvusa anemtimba wemoya

Jehova ubeka leNdvodzana yakhe kutsi ibe yiNkhosi ezulwini, lokusho kucala kwemalanga ekuphela kwalelive Jesu ucondzisa balandzeli bakhe emhlabeni njengoba bashumayela nge-Mbuso waNkulunkulu emhlabeni wonkhe

Jehova utjela iNdvodzana yakhe kutsi iletse uMbuso emhlabeni. LoMbuso upitjita bonkhe bohulumende bebantfu, uletsa liPharadisi, futsi ususa sono kubantfu labetsembekile. Lilungelo laJehova liyalwelwa, futsi ligama lakhe lingcweli­swa kuze kube phakadze