Ýehowa Adam ata bilen How enäni ýer ýüzünde Jennetde ebedi ýaşamak üçin ýaradýar. Şeýtan Hudaýyň adyny masgaralap, onuň hökümdarlyk etmäge haklydygyny şübhä goýýar. Adam ata bilen How ene Şeýtana goşulyp, hem özlerini, hem neslini günä we ölüme sezewar edýär

Ýehowa pitneçilere höküm çykarýar we Şeýtany ýok etjek Halasgäri, ýagny Nesli berjekdigini wada edýär. Ol pitnäniň getiren ähli zyýanyny we günäni ýok eder

Ýehowa Nesliň, ýagny Mesihiň Ybraýymyň we Dawudyň neberesinden geljekdigini wada edýär. Ol Patyşa bolup, ebedi höküm sürer

Ol Hudaýyň Patyşalygynda höküm sürer we 144 000 kömekçisi bilen uruşlaryň, keselçiligiň, hatda ölümiň hem soňuna çykar

Ýehowa öz Ogluny ýer ýüzüne iberip, onuň wada edilen Mesihdigini görkezýär. Isa Hudaýyň Patyşalygy barada wagyz edýär we adamlar üçin öz janyny gurban berýär. Ýehowa ony ruh edip direldýär

howa Ogluny gökdäki Patyşalygynyň Patyşasy edip, tagta geçirýär. Şondan soň ýer ýüzünde zalym dünýäniň soňky günleri başlanýar. Isa bütin dünýäde Hudaýyň Patyşalygy barada wagyz edýän şägirtlerine ýolbaşçylyk edýär

Ýehowa Ogluna ýeriň üstünden höküm sürmäge ygtyýar berýär. Patyşalyk ynsan hökümetlerini ýok edip, ýer ýüzüni Jennete öwrer we Hudaýa wepaly adamlara kämil bolmaga kömek eder. Ýehowanyň hökümdarlyk etmäge haklydygy ebedi tassyklanylar we onuň ady şöhratlandyrylar