Jini isujm bʌ Dios tsiʼ cʼʌñʌ chʼujul bʌ i yespíritu chaʼan jini chaʼcʼal (40) winicob miʼ tsʼijbubeñob i ñaʼtʌbal yaʼti chʼujul bʌ i libro. I cʼabaʼ jini libro jiñʌch Biblia. Miʼ chʼʌm tilel ñuc bʌ i cʼʌjñibal yom bʌ Dios chaʼan mi laj cʌn.

Dios yujil baqui bʌ wen chaʼañonla, come jiñʌch muʼ bʌ i yʌqʼueñonla lac ñaʼtʌbal. Mi mucʼʌch lac ñichʼtan, cheʼ jini mi caj lac taj jini isujm bʌ lac ñaʼtʌbal (Proverbios 1:5).

Dios yom chaʼan ti pejtelel jini winicob xʼixicob ila ti Pañimil mi pejcañob jini Biblia. Wʌle ora melbilix ti cabʌl tʼan tac.

Mi a wom a ñichʼtan chuqui mi yʌl Dios, yom maʼ pejcan jini Biblia yicʼot maʼ chʼʌmben isujm.

Jini i testigojob Jioba miʼ mejlel i coltañetob chaʼan maʼ chʼʌmben isujm jini Biblia.

Miʼ chaʼleñob isujm bʌ cʌntesa chaʼan Dios ti pejtelel Pañimil.

Mach tojbilic chaʼan maʼ cʌn i chaʼan bʌ Dios. Yaʼ ti a lumal yom maʼ majlel yaʼ ti Otot chaʼan bʌ Tempa bʌ, yaʼʌch jaʼel baqui mi caj a cʌntesʌntel ti i sujmlel chaʼan Dios.