Anɔkwa Nyɔŋmɔ lɛ hã mɛi ŋmala esusumɔi amɛwo wolo kome ko ni yɔɔ krɔŋkrɔŋ lɛ mli. Nakai wolo lɛ ji Biblia lɛ. Sane ni yɔɔ Biblia lɛ mli lɛ he miihia ni Nyɔŋmɔ miisumɔ ni ole.

Nyɔŋmɔ le nɔ ni hi fe fɛɛ kɛhã wɔ, ni lɛ ji nilee fɛɛ jɛɛhe. Kɛ́ obo lɛ toi lɛ, ohiɛ baakã shi waa.—Abɛi 1:5.

Nyɔŋmɔ miisumɔ ni mɔ fɛɛ mɔ ni yɔɔ shikpɔŋ lɛ nɔ lɛ akane Biblia lɛ. Amrɔ nɛɛ atsɔɔ shishi kɛtee wiemɔi babaoo amli.

Kɛ́ oosumɔ ni obo Nyɔŋmɔ toi lɛ, no lɛ esa akɛ okane Biblia lɛ, ni esa akɛ onu nɔ ni okaneɔ lɛ shishi.

Yehowa Odasefoi baanyɛ amɛye amɛbua bo koni onu Biblia lɛ shishi.

Amɛtsɔɔ mɛi ni yɔɔ shikpɔŋ lɛ nɔ he fɛɛ he lɛ Nyɔŋmɔ he anɔkwa saji.

Awooo nyɔmɔ ko kɛhã nitsɔɔmɔ nɛɛ. Agbɛnɛ hu, obaanyɛ okase Nyɔŋmɔ he nii yɛ Yehowa Odasefoi a-Maŋtsɛyeli Asa ni yɔɔ he ni oyɔɔ lɛ nɔ.