PELAJAR 1
Baka Ni Kitai Ulih Ningaka Petara?
Petara bejaku ngagai kitai ngena Bup Kudus. 2 Timoti 3:16
Petara ngasuh orang nulis pikir Iya ba Bup Kudus. Dalam bup nya, bisi penerang ti beguna bendar. Petara deka nuan nemu penerang tu.
Petara nemu utai ti manah ke kitai, laban semua pemintar datai ari Iya. Nya alai, enti kitai ngasika Iya, kitai mega ulih nyadi orang ti pintar. —Jaku Dalam 1:5.
Petara deka semua orang macha Bup Kudus. Diatu Bup Kudus bisi dalam mayuh leman bansa jaku.
Enti nuan deka ningaka Petara, nuan anang enda macha sereta meretika Bup Kudus.
Orang di serata dunya ninga. Matthew 28:19
Saksi-Saksi Jehovah ulih nulung nuan meretika Bup Kudus.
Ba serata dunya, sida ngajar pemendar pasal Petara.
Nuan ulih belajar pasal Petara enggau nadai bebayar. Nuan mega ulih belajar pasal Petara ba alai Saksi-Saksi Jehovah begempuru.
Nuan Engka Rindu Meda Tu
ESSENTIAL BIBLE TEACHINGS
Baka Ni Kitai Nemu Utai Ba Bup Kudus Nya Amat?
Enti Bup Kudus dikarang Petara, iya tentu enda baka bup bukai ke kala ditulis.
ESSENTIAL BIBLE TEACHINGS
Sapa Pengarang Bup Kudus?
Enti mensia ke nulis, nama kebuah Bup Kudus dikumbai jaku ari Petara? Runding sapa ke dikembuan dalam Bup Kudus?
PASAL KAMI
Nama Nyadi Lebuh Belajarka Bup Kudus?
Di serata dunya tu, Saksi-Saksi Jehovah dikelala orang ketegal nyendiaka program belajarka Bup Kudus enggau pechuma. Peda chara iya dipejalaika.
