Gěsii Ọ̌kpọnanaowei bí kị̌mịama bị́ wó bolǒu ghọ emi yeama naá kẹnị pérepere fun ghọ gẹẹmị́.Bịsá fun bi Bible. Wo bolǒu bi yělaa yěama nị Ọkpọnanáowei mịẹ nị i nǐmimọ dọ̌u’emi yeama kị emí.

Ọkpọnanáowei ebi naá wó mịẹdẹngịịngị́ ye nimiwónimí má eri kí kị̌lịkịlị nǐmiye sọrọụ. U poi’émíyọ duo, árị bó gěsiibara naá kị̌lịkịlị yěnimingimi.—Proverbs 1:5.

Ọkpọnanáowei bei kíriogbo bọghọ emi kịmịmọsẹ Bible bị goongiyọ kị dọụ’émí. Bé’emi bi wo ákị biin bẹẹlị́ama kọghọ gẹẹd’ọ́.

Árị Ọkpọnanáowei poidọụ’ěmiaba, árị gbǎabaramọ́sẹ Bible bị goongǐmi má sụ̌ọtuunimingimi.

Jehovah Iseriotu kụrẹị́ bǎratụ́a nị ị pị́rị́ Bible bọghọ sụ̌ọtuunimingimi.

Ọmịnị́ Ọkpọnanáowei emibara bọghọ gěsiiye bí naá kíríogbosẹ ghọ kị̌mịama tǒlumọ’emi.

Árị bei tólumọye bọghọ kẹnịyé kpọ gbẹẹghafangǐmi. Árị kụrẹị́ nị iné yọ́ bọ́ghọ emi Jehovah Iseriotu Amananaoweidaabụọ Warị kpọ ghọ Ọkpọnanáowei emibara tolumọngǐmi.