NGEWA YA 1
Ũndũ Tũtonya Kũmwĩthukĩĩsya Ngai
Ngai anenaa naitũ kwĩsĩla Mbivilia. 2 Timotheo 3:16
Ngai wa w’o atongoeisye aũme kũandĩka mosũanĩo make nthĩnĩ wa ĩvuku ĩtheu. Ĩvuku yĩu nĩ Mbivilia. Yĩ na ũvoo wa vata ũla Ngai ũkwenda ũmanye.
Ngai nĩwĩsĩ kĩla kĩseo kwitũ na nĩwe kĩtina kya ũĩ w’onthe. Wamwĩthukĩĩsya, kwa w’o ũkooĩva.—Nthimo 1:5.
Ngai endaa kĩla mũndũ ĩũlũ wa nthĩ asome Mbivilia. Ũmũnthĩ ĩkwatĩkanaa nthĩnĩ wa ithyomo mbingĩ.
Ethĩwa nũkwenda kũmwĩthukĩĩsya Ngai, no nginya ũsome Mbivilia na ũimĩelewa.
Mathayo 28:19
Andũ kĩla vandũ nĩmethukĩĩsye.Ngũsĩ sya Yeova no ikũtetheesye kũelewa Mbivilia.
Ĩũlũ wa nthĩ yonthe, imanyĩasya ũw’o ĩũlũ wa Ngai.
Vaiĩ ndĩvi mũvangonĩ ũsu wa kwĩmanyĩsya. O na ĩngĩ no wĩmanyĩsye ĩũlũ wa Ngai nthĩnĩ wa Nyũmba ya Ũsumbĩ ya Ngũsĩ sya Yeova ĩla yĩ vakuvĩ naku.