KITINI 1
Yinki mutindu beto lenda kuwa Nzambi?
Nzambi ketubaka na beto na nzila ya Biblia. 2 Timoteo 3:16
Nzambi ya kedika tindaka bantu basonika mabanza na yandi na mukanda mosi ya nlongo. Mukanda yango kele Biblia. Biblia kele na mambu mingi ya mfunu yina Nzambi zola nge zaba.
Nzambi mezaba mambu meluta mbote samu na beto; mpe mayele nionso kekatukaka na yandi. Kana nge mekuwa Nzambi, nge kekuma mpenza na mayele.—Bingana 1:5.
Nzambi zola muntu nionso awa na ntoto tanga Biblia. Bubu yayi, bamebimisa yau na bandinga mingi.
Kana nge zola kuwa Nzambi, nge fueti tanga mpe kubakusa mbote mbote mambu kele na kati ya Biblia.
Matayo 28:19
Bantu na bisika nionso kena kuwa.Bambangi ya Yehova balenda sadisa nge nge bakusa Biblia.
Bakelongisaka kedika ya Nzambi na ntoto ya mvimba.
Nge kefuta kima mosi ve samu na kulonguka mambu yango. Nge lenda diaka kulonguka mambu ya Nzambi na Yinzo ya Kimfumu (Salle du Royaume) ya Bambangi ya Yehova yina kele na kisika nge kevuandaka.