PARTE 1
Aikotā̃ me asom watenentup Tupana
Tupana ihay aiwȳwo Bíblia puo pyi. 2 Timoteu (2 Timóteo) 3:16
Tupana tiꞌatuꞌaira ihaig̃niaꞌīn. Miꞌiria tiwan Tupana wanentup hap koꞌi popera pe. Miꞌi popera Bíblia. Tupana Ehay pe ti toig̃ kahato woꞌonãpin hap koꞌi. Miꞌi ti epiat ikuap hap toikyꞌesat.
Tupana ti iweꞌeg̃ kahato. Miꞌi pote ti aimūꞌe tuereto waku rakat nug̃ hamo. Erenentup Tupana e hap koꞌi pote aru iweꞌeg̃ rakatno ereig̃neꞌen. (Tiaku [Tiago] 3:17)
Tupana tikyꞌesat torānia mītꞌīn tehay mowempāp hap. Miꞌi pote Tupana Ehay toig̃ wuatꞌi pusu puo koꞌi.
Erenentup terān Tupana ehay kapiat pote waku etimowempāp hawyi etikuap hamo.
Mesūwat yi oktān mītꞌīn teꞌeruwanentup Tupana ehay kape. Mateu (Mateus) 28:19
Ieuwa Ehay Enoi Haria epowȳro kuap hamo Tupana Ehay ete.
Miꞌiria aimūꞌe pywuat e hap Tupana Ehay etiat mesūwat yi oktān.
Tupana Ehay etiat wemūꞌe hap ȳt kat saꞌupꞌi. Etikuap poꞌog̃ terān mote waku ereto Ieuwa Montypot Yat kape.
Etimowempāp kuap poꞌog̃
REUNIÕES
Aikotā̃ asom uruwaꞌatunug̃ hap koꞌi tote Ieuwa Montypot Yat pe.
Erehaꞌat vídeo kape hawyi etikuap hamo
UWEꞌĪN URUTORIA
Aikotā̃ asom Tupana Ehay etiat aiwemūꞌe hap.
Mesūwat yi oktān Ieuwa Ehay Enoi Haria hoꞌomūꞌe mītꞌīn Tupana Ehay etiat ȳt kat saꞌupꞌi. Tupana Ehay etiat aiwemūꞌe hap ȳt niatpoꞌi. Erehaꞌat kuap aikotā̃ me Tupana Ehay etiat aiwemūꞌe hap. Eremūꞌe poꞌog̃ hamo Tupana Ehay etiat.
