حصہ 1
اَسی خدا دی گل کیویں سننے آں؟
خدا بائبل دے ذریعے ساڈے نال گل کردا اے۔ 2-تیمُتھیُس 3:16
خدا نے کجھ آدمیاں کولوں اِک خاص کتاب لکھوائی۔ ایہدے وچ اوہناں نے خدا دی سوچ تے خیالاں نُوں لکھیا۔ ایس کتاب دا ناں بائبل اے۔ ایہدے وچ خدا نے ایسیاں گلاں لکھوائیاں نیں جنہاں نُوں جاننا ساڈے لئی بڑا ضروری اے۔
خدا بڑا دَنائی والا اے۔ اوہنوں پتہ اے کہ ساڈے لئی کیہڑی راہ سب توں بہتر اے۔ جے اَسی اوہدی گل سناں گے تے اَسی وی دَنا بن جانواں گے۔—امثال 1:5۔
خدا چاہندا اے کہ سارے انسان بائبل نُوں پڑھن۔ اَج کل بائبل بوہت ساریاں زباناں وچ مِل سکدی اے۔
جے تُسی خدا دی گل سننا چاہندے او تے تواڈے لئی بائبل نُوں پڑھنا تے ایہنوں سمجھنا بوہت ضروری اے۔
متی 28:19
پُوری دُنیا وچ لوک خدا دیاں گلاں سکھ رہے نیں۔یہوواہ دے گواہ تواڈے کول آ کے توانوں بائبل دیاں گلاں سمجھا سکدے نیں۔
اوہ پُوری دُنیا وچ لوکاں نُوں خدا بارے سچائیاں سکھاندے نیں۔یہوواہ دے گواہ لوکاں نُوں بائبل دی تلیم مُفت دیندے نیں۔ تُسی خدا بارے سکھن لئی اوس جگہ وی جا سکدے او جِتھے یہوواہ دے گواہ عبادت کردے نیں۔