INCENYE 1
Simlalela Njani Nkulunkulu?
Nkulunkulu ukhuluma natsi ngeliBhayibheli. 2 Thimothi 3:16
Nkulunkulu weliciniso watfuma emadvodza latsite kutsi abhale imicabango yakhe encwadzini lengcwele. Leyo ncwadzi liBhayibheli. Licuketse kwatiswa lokubalulekile Nkulunkulu lafuna kutsi ukwati.
Nkulunkulu uyakwati loko lokungasizuzisa, futsi ungumtfombo wako konkhe kuhlakanipha. Nawumlalela, utawuhlakanipha mbamba.
Nkulunkulu ufuna kutsi wonkhe umuntfu emhlabeni afundze liBhayibheli. Nyalo litfolakala ngetilwimi letinyenti.
Nangabe ufuna kulalela Nkulunkulu, kufanele ulifundze futsi ulicondze liBhayibheli.
Matewu 28:19
Kuyo yonkhe indzawo, bantfu bayalalela.BoFakazi BaJehova bangakusita kutsi ulicondze liBhayibheli.
Bafundzisa liciniso ngaNkulunkulu kuwo wonkhe umhlaba.
Awubhadali lutfo kute utfole lemfundvo. Ungafundza futsi ngaNkulunkulu eHholeni leMbuso laboFakazi BaJehova lelisendzaweni yakini.