APÁ 1
Báwo La Ṣe Lè Tẹ́tí sí Ọlọ́run?
Bíbélì ni Ọlọ́run fi ń bá wa sọ̀rọ̀. 2 Tímótì 3:16
Ọlọ́run tòótọ́ mú kí àwọn èèyàn kọ èrò òun sínú ìwé mímọ́ kan. Ìwé náà ni Bíbélì. Àwọn ohun tó ṣe pàtàkì tí Ọlọ́run fẹ́ kí o mọ̀ ló wà nínú rẹ̀.
Ọlọ́run mọ ohun tó dáa jù lọ fún wa, òun sì ni Orísun gbogbo ọgbọ́n. Tí o bá ń tẹ́tí sí i, ó dájú pé wàá di ọlọ́gbọ́n.—Òwe 1:5.
Ọlọ́run fẹ́ kí gbogbo èèyàn tó wà láyé máa ka Bíbélì. Ó ti wà ní ọ̀pọ̀lọpọ̀ èdè báyìí.
Tí o bá fẹ́ tẹ́tí sí Ọlọ́run, o gbọ́dọ̀ máa ka Bíbélì, kí o sì lóye rẹ̀.
Ibi gbogbo ni àwọn èèyàn ti ń tẹ́tí sí Ọlọ́run. Mátíù 28:19
Àwa Ẹlẹ́rìí Jèhófà lè ràn ẹ́ lọ́wọ́ kí o lè lóye Bíbélì.
Kárí ayé là ń fi òtítọ́ nípa Ọlọ́run kọ́ àwọn èèyàn.
A kì í gba owó lọ́wọ́ àwọn èèyàn torí pé à ń kọ́ wọn lẹ́kọ̀ọ́. O tún lè kẹ́kọ̀ọ́ nípa Ọlọ́run tí o bá lọ sí Gbọ̀ngàn Ìjọba àwa Ẹlẹ́rìí Jèhófà tó wà nítòsí rẹ.
O Tún Lè Wo
ÀWỌN Ẹ̀KỌ́ PÀTÀKÌ INÚ BÍBÉLÌ
Ṣe Òótọ́ Ni Ọ̀rọ̀ Inú Bíbélì?
Tó bá jẹ́ pé Ọlọ́run ló ni Bíbélì, á jẹ́ pé kò sí ìwé míì tá a lè fi í wé.
ÀWỌN Ẹ̀KỌ́ PÀTÀKÌ INÚ BÍBÉLÌ
Ta Ni Òǹṣèwé Bíbélì?
Tó bá jẹ́ pé èèyàn ló kọ ọ́, ṣé a wá lè pè é ní Ọ̀rọ̀ Ọlọ́run? Èrò ta ló wà nínú Bíbélì?
NÍPA WA
Báwo La Ṣe Máa Ń Ṣe Ìkẹ́kọ̀ọ́ Bíbélì?
Níbi gbogbo kárí ayé làwọn èèyàn ti mọ àwọn Ẹlẹ́rìí Jèhófà mọ́ ìkẹ́kọ̀ọ́ Bíbélì tí wọ́n máa ń ṣe fáwọn èèyàn lọ́fẹ̀ẹ́. Wo bí wọ́n ṣe máa ń ṣe é.
