DUL 2
Lubanga me Ada En Anga?
Lubanga me ada tye acel keken dok nyinge Jehovah. (Jabuli 83:18, NW) Lubanga en Cwiny; pe watwero neno kome. En marowa dok en mito ni wamare bene. En bene mito ni wamar jo mukene. (Matayo 22:35-40) En aye Ngat Mamalo Loyo, Lacwe jami ducu.
Cwec pa Lubanga mukwongo obedo cwec me cwiny matek ma lacen kilwonge ni Yecu Kricito. Jehovah bene ocweyo lumalaika mapol.
Jehovah ocweyo jami ducu ma tye i polo . . . ki i lobo. Niyabo 4:11
Lubanga Jehovah ocweyo lakalatwe, ki dok lobo, kacel ki jami ducu ma tye iye.—Acakki 1:1.
En ocweyo Adam, ma obedo laco mukwongo, ki i apwa me ngom.—Acakki 2:7.
Itwero Bedo ki Miti i kom Lok Man
PWONY MA PIGI TEGO ME BAIBUL
Lubanga Mono Tye ki Nyinge?
Lubanga tye ki nying dog tic mapol, calo Won Twer Ducu, Lacwec, ki Rwot. Ento nying Lubanga kikome kitiyo kwede tyen ma romo 7,000 kulu i Baibul.
