FÃ 2
Mɛnɔ Ji Anɔkuale Mawu ɔ?
Anɔkuale Mawu kake pɛ lɛ ngɛ, nɛ e biɛ ji Yehowa. (La 83:18, NW) Mumi mi nɔmlɔ ji lɛ; wa be nyɛe maa na lɛ kɛ wa hɛngmɛ. Yehowa suɔ wɔ, nɛ e ngɛ hlae nɛ wɔ hu waa suɔ lɛ. E ngɛ hlae nɛ waa suɔ ni kpahi hulɔ. (Mateo 22:35-40) Lɛ ji Ope, lɛ nɛ e bɔ níhi tsuo.
Nɔ nɛ Mawu bɔ kekleekle ɔ ji mumi mi nɔmlɔ nɛ lɛ hu e ngɛ he wami, pee se ɔ, a ba le lɛ kaa Yesu Kristo. Yehowa bɔ bɔfo ɔmɛ hulɔ.
Yehowa lɛ e bɔ nɔ́ tsuaa nɔ́ nɛ ngɛ hiɔwe . . . kɛ zugba a nɔ. Kpojemi 4:11
Yehowa Mawu bɔ dodoehi, kɛ zugba a, kɛ níhi tsuo nɛ ngɛ nɔ.—1 Mose 1:1.
E ngɔ zugba zu kɛ bɔ Adam, nɛ ji kekleekle nɔmlɔ ɔ.—1 Mose 2:7.
Eko ɔ, O Bua Maa Jɔ Enɛ ɔ Hu He
ESSENTIAL BIBLE TEACHINGS
Anɛ Mawu Ngɛ Biɛ Lo?
Wa tsɛɔ Mawu ke Ope, Bɔlɔ, Nyɔmtsɛ kɛ ekpahi. Se Mawu biɛ nitsɛnitsɛ je kpo pe si 7,000 ngɛ Baiblo ɔ mi.
