BAGIAN 2
Nyén Sebenarné Tuhan Ento?
Tuah abesik ada Tuhan ané sujati, adanné Yehuwa. (Kidung 83:18) Krana Tuhan ento maraga roh; iraga tusing ngidaang ningalin Ida. Tuhan sayang tekén iraga lan Ida seneng yén iraga masih sayang tekén Ida. Tuhan masih seneng yén iraga nyayangin anak lénan. (Matius 22:35-40) Tuhan ento Maha Kuasa lan Pencipta alam semesta.
Ciptaan Tuhan ané kapertama ento pribadi roh ané kuat lan ipun kaadanin Yesus Kristus. Yehuwa masih nyiptaang para malaékat lénan.
Yehuwa nyiptaang makejang ané ada di suargan . . . lan di guminé. Wahyu 4:11
Ida Yehuwa nyiptaang bintang-bintang, gumi lan isiné makejang.—Purwakaning Dadi 1:1.
Ida nyiptaang Adam, manusa kapertama, uli tanah.—Purwakaning Dadi 2:7.
