AKPASUA 2
?Wan yɛle Ɲanmiɛn Kpli?
Ɲanmiɛn Kpli ti kunngba cɛ, i dunman’n yɛle Zoova. (Jue Mun 83:18, NW) Ɔ ti aolia nun sran, e kwlá wunmɛn i. Ɔ klo e, yɛ ɔ kunndɛ kɛ e klo i wie, kpɛkun e klo e wiengu mun. (Matie 22:35-40) Like fi nunmɛn i sin. I yɛ ɔ yili like kwlaa ɔ.
Kɛ ɔ boli like yilɛ bo’n, aolia nun sran kun m’ɔ le kwlalɛ dan kpa’n yɛ ɔ dun mmua yili i ɔ. Kɛ aolia nun sran sɔ’n bali asiɛ’n su wa’n, be wa flɛli i kɛ Zezi Klist. Zoova yili anzi mun wie.
Zoova yili ninnge kwlaa nga be o ɲanmiɛn su lɔ’n [...] ɔ nin nga be o asiɛ’n su wa’n. Sa Nglo Yilɛ 4:11
Ɔ fali fa yɛ ɔ fa yili Adam m’ɔ ti klɔ sran klikli’n niɔn. —Bo Bolɛ 2:7.