ICIPUTULWA 2
Bushe Mwalimwishiba Lesa wa Cine?
Kwaba fye Lesa wa cine umo, ishina lyakwe ni Yehova. (Amalumbo 83:18) Uyu Lesa Mupashi; te kuti tumumone. Alitutemwa kabili afwaya ukuti na ifwe tumutemwe. Afwaya no kuti tuletemwa abantu bambi. (Mateo 22:35-40) E mukalamba pali bonse, e wapangile ifintu fyonse.
Uo Lesa abalilepo ukupanga na o wine mupashi kabili aishileishibikwa ati Yesu Kristu. Yehova na kabili apangile bamalaika.
Yehova e wapangile fyonse ifyaba mu muulu . . .na pe sonde. Ukusokolola 4:11
Yehova Lesa apangile intanda ne sonde na fyonse ifyabapo.—Ukutendeka 1:1.
Abumbile no muntu wa ntanshi, ukufuma ku lukungu lwa mu mushili, ishina lyakwe ni Adamu.—Ukutendeka 2:7.
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Lesa Alikwata Ishina?
Lesa alikwata amalumbo ayengi pamo nga Uwa Maka Yonse, Kabumba, na Shikulu. Lelo Lesa alikwata ishina ilyo balemba imiku 7,000 mu Baibolo.
