DÚ 2
Nyɛ́ Mɔ̀ Jǎà Gèɖèpɔ́ɔ̀ Kɛ́?
Jǎà Gèɖèpɔ́ɔ̀ nì dyúáɖò kpeé-kpeé, ké ɔ nyɛ́nɛ́ mɔ̀ Jɛ̀hóvà. (Wɛ́ɖɛ́ 83:18) Ɔ mɔ̀ Zùù. À se ɔ dyéɛ ɓɛ́ìn. Ɔ ɖɛ̀ɓɛ̀ à mú ké ɔ mɔ́ ɓɛ́ à ké ɔ mú ɖɛ̀ɓɛ̀ ɖekè, kè ɓɛ́ à ké nyɔ tɔ̀ɔ̀ ɓě mú ɖɛ̀ɓɛ̀. (Máfíò 22:35-40) Ɔ mɔ̀ Kpé-séín-ɓéɖé-Nyɔ̀, nyɔ mɔ̀ nyɔ mɛ ma kà ɖɛ séín nyɛ.
Gèɖèpɔ́ɔ̀ mɛɛ-ɖɛ̀ kĩ́ín-kĩ́ínɔ̀ mɔ̀ ma kpé-ɓéɖé zùù wa ɖáìn ma Jízɛ̀ Kɛ́ɖɛ́ì ti ɓɛ́ ɔ dyi ma kà ɓóɖó-kpàà kɔ̃ɔ. Jɛ̀hóvà mɛ ma ínjà ɓěɔ̀ ɖekè.
Jɛ̀hóvà mɛ ma dɛ̀nɛ̀ mɛ́nɛ́ɛ́ ɓě ɔ kè ɓóɖó-kpàà kè ɖɛ séín ɓě nìà ɔ kɔ̃ɛ.—Jɛ́nɛ́sì 1:1.
Ɔ mɛ ma Áɖɔ̀ùn, gàa kĩ́ín-kĩ́ínɔ̀ sɔ̀ìn ɖé ɓóɖóɔ̀ púu-púuɔ̀ mú.—Jɛ́nɛ́sì 2:7.
Jɛ̀hóvà mɛ ma ɖɛ séín nìà ɖé dyɔún . . . ɔ kè ɓóɖó-kpàà kɔ̃. Wɛ̀ɖɛ̀ɓèɖésĩ̀ɔ̀ 4:11
Ðɛ́ kɔ̃̀ jè à mɛ nyí Gèɖèpɔ́ɔ̀ dya-dè-dè kɛ́?—Àzédyà 42:5.
Ðɛ́ mɔ̀ Gèɖèpɔ́ɔ̀ kpeɖe ɓěɔ̀ ɖò kɛ́?—Ɛ́séɖɔ̀ 34:6.
Nì Mu Ɖɛ Nìà Kɛ Mú Ɖɛ̀ɓɛ̀ìn Dyɛ̀
ESSENTIAL BIBLE TEACHINGS
Gèɖèpɔ́ɔ̀ Ɓéɖé Nyɛ́nɛ́ɛ̀?
Gèɖèpɔ́ɔ̀ ɓéɖé dya-dè-nyɛ̀nɛ̀ pàɖǎ ɓě, wa mɔ̀ Kpé-séín-ɓéɖé-nyɔ̀ kè Ðɛ-séín-mɛ-nyɔ̀ ɔ kè Bounɓo. Kɛɛ wa nyùìn Gèɖèpɔ́ɔ̀ nyɛ́nɛ́ɔ̀ kũ̀à mú kpa 7,000 ɖé Ɓóɓòɔ̀ mú.
