SJOLOMAL 2
Mach Komam Dios?
Junnhej koDios ay tʼa walyel. Ha sbʼi Jehová (Salmo 83:18). Max yal-laj kilani yujto espíritu yaji. Te xajanabʼilonh yuj Dios yuj chiʼ snibʼej to skoxajanej paxi. Snibʼej paxi to skoxajanej juntzanhxo anima (Mateo 22:35-40). Malaj junok mach ekʼwalto tʼa yichanh winh yujto awinh bʼojinak masanil tas.
Bʼabʼel ixbʼochaj jun ángel te niwan yelkʼochi yuj winh Komam Dios chiʼ. Kojtak tiknaʼik to awinh Kajal Jesucristo. Ixbʼoʼan pax juntzanhxo yángeles winh Jehová.
Masanil tas ay tʼa satchaʼanh ha Komam Jehová ixbʼoʼani...yetʼ masanil tas ay tʼa sat lum luʼum tik (Apocalipsis [Revelación] 4:11)
Ha Komam Jehová ixbʼoʼan satchaʼanh, lum luʼum yetʼ masanil tas ay tʼay (Génesis 1:1).
Ixbʼoʼan pax jun winh winak, aton winhaj Adán. Ha spokokal lum luʼum ixyakʼlabʼej winh yik sbʼoʼani (Génesis 2:7).
