PERAJ 2
¿Achkë riʼ Dios?
Xa xuʼ jun kʼaslïk Dios kʼo, y rubʼiniʼan Jehová (Salmo 83:18). Ryä jun espíritu, rma riʼ ma nqkowin ta nqatzʼët. Ryä janina nqrajoʼ, y nrajoʼ chë röj chqä nqajoʼ ryä. Chqä nrajoʼ chë keqajoʼ ri nkʼaj chik winäq (Mateo 22:35-40). Y rma yë ryä xbʼanö ronojel ri kʼo, majun ta jun ri más ruqʼij chwäch ryä.
Ri naʼäy rusamaj xuʼän, ya riʼ jun ángel ri janina ruchqʼaʼ. Komä qataman chë ri ángel riʼ ya riʼ Jesucristo. Dios chqä xeruʼän nkʼaj chik ángeles.
Yë Jehová xbʼanö jontir ri kʼo chlaʼ chkaj... chqä jontir ri kʼo chwäch le Ruwachʼulew (Apocalipsis 4:11).
Yë Jehová xbʼanö ri chʼumilaʼ, le Ruwachʼulew chqä jontir ri kʼo chwäch (Génesis 1:1).
Yë ryä xbʼanö rchë Adán, ri naʼäy achï, rkʼë ulew (Génesis 2:7).
Rkʼë jbʼaʼ nawajoʼ natzʼët chqä reʼ
NAʼOJ RI NUKʼÜT LE BIBLIA RI KAN KʼO KEJQALEN
¿La kʼo rubʼiʼ ri Dios?
Ri Biblia nubʼij Ajaw, Tataʼixel chuqaʼ Qatataʼ chi re ri Dios. Re video reʼ nukʼüt achike rubʼiʼ ri Dios. Ri bʼiʼaj riʼ nilitäj más 7.000 mul chupam ri Biblia.
